استانادا قوعامدىق كىتاپحانا اشىلدى
Public Library قورىنىڭ سىيىمدىلىعى 13 مىڭ كىتاپقا دەيىن جەتەدى. مىنبەردەگى ءبىرىنشى زالدا قازاق تىلىندەگى ادەبيەتتەر، قازاق اۆتورلارى، الەمدىك بەستسەللەرلەردىڭ قازاق تىلىنە اۋدارمالارى، سونداي-اق قازاقستان تۋرالى شەت تىلدەرىندەگى ادەبيەتتەر ورنالاسقان.
«جالپى كىتاپ ادامنىڭ ىشكى دۇنيەسىنىڭ، وي-ءورىسىنىڭ ءبىلىمىن كەڭەيتىپ، مۇقتاجىن قاناعاتتاندىراتىن رۋحاني ازىعى بولىپ قالا بەرمەك. ال قوعامنىڭ ءال-اۋقاتى، دامۋ دەڭگەيى بىلىمگە تىكەلەي بايلانىستى. قازىرگى ساياسي-ەكونوميكالىق جارىستا كوش باستاپ، الەمدىك ارەنادا جەتەكشى ورىن الۋ ءۇشىن قوعامعا رۋحاني دامۋعا، ءبىلىم مەن عىلىمعا جەتەلەيتىن قولايلى ورتا ۇسىنۋ كەرەك»، - دەدى Maqsyt Narikbayev University باسقارما ءتوراعاسى تالعات نارىكبايەۆ.
ايتا كەتەيىك، كىتاپحانانىڭ اشىلۋ سالتاناتى استانا حالىقارالىق قارجى ورتالىعىنىڭ سوت وكىلدەرى مەن حالىقارالىق تورەلىك ورتالىعىنىڭ قازىرگى ءتوراعاسى توماس كريۋممەلدىڭ جانە ورتالىقتىڭ بۇرىنعى ءتوراعاسى باربارا دومانننىڭ قازاقستانعا ساپارى اياسىندا ءوتتى.
جالپى ج و و- داعى قوعامدىق كىتاپحانا - تاڭسىق ۇعىم ەمەس. ماسەلەن، New York University ،Harvard ،Stanford سياقتى الەمنىڭ جەتەكشى ۋنيۆەرسيتەتتەرىندە قوعامنىڭ قولدانۋىنا ۇسىنىلعان كىتاپحانالار بار.
Maqsyt Narikbayev University-دە اشىلعان Public Library كىتاپحاناسىنا استانا قالاسىنىڭ كەز كەلگەن تۇرعىنى مەن قوناقتارى بارا الادى.
