مەكەنجايى بويىنشا تۇراقتى تىركەۋى جوق ازاماتتار قالاي داۋىس بەرەدى

استانا. قازاقپارات - قازاقستاندىقتار 19- ناۋرىز كۇنى وتەتىن ءماجىلىس پەن ماسليحات سايلاۋىندا تىركەۋدە بار- جوعىنا قاراماستان، داۋىس بەرە الادى. ويتكەنى، ولار ءوز اۋماعىنداعى ۋچاسكەلەرگە ءبىر كۇنگە تىركەۋگە الىنادى.

بۇل تۋرالى «ازاماتتارعا ارنالعان ۇكىمەت» مەملەكەتتىك كورپوراتسياسىنان ءمالىم ەتتى، دەپ حابارلايدى قازاقپارات ءتىلشىسى.

«ەلىمىز بويىنشا 4 مىڭ سايلاۋ ۋچاسكەسى ازاماتتاردى قابىلدايدى. ولاردىڭ ىشىندە 188 ۋچاسكەدە حقو قىزمەتكەرلەرى جۇمىس ىستەيدى. ماماندار سايلاۋ ۋچاسكەسىنىڭ ورنالاسقان جەرى بويىنشا تىركەلمەگەن ازاماتتارعا داۋىس بەرۋ مۇمكىندىگىن ۇسىنۋ ءۇشىن ءبىر كۇندىك تىركەۋگە تۇرعىزادى»، - دەلىنگەن كورپوراتسيانىڭ رەسمي سايتىندا جاريالانعان حابارلامادا.

ورتالىق ماماندارى ازاماتتاردى تىركەۋدى سايلاۋ كۇنى ساعات 7:00-20:00 ارالىعىندا جۇرگىزەدى. ال، 20- ناۋرىزدا تۇرعىن ءبىر كۇندىك تىركەلگەن جەرىنەن اۆتوماتتى تۇردە شىعارىلادى.

ح ق و ماماندارى جۇمىس ىستەيتىن سايلاۋ ۋچاسكەلەرىنىڭ مەكەنجايلارىن مىنا جەردەن بىلۋگە بولادى.

اۆتور

ءاليحان اسقار