الماتىنىڭ شەتكى شاعىن اۋداندارىندا جاڭا جول سالىنادى

الماتى. قازاقپارات - الماتىدا جول قۇرىلىسىنىڭ وزەكتى ماسەلەلەرى تالقىلاندى، دەپ حابارلايدى قازاقپارات ءتىلشىسى.

قالا اكىمى ەربولات دوسايەۆتىڭ توراعالىعىمەن وتكەن كەڭەسكە اكىمدىكتىڭ بەيىندى باسقارماcى مەن ۆەدومستۆولىق باعىنىستى ۇيىمىنىڭ باسشىلارى، اۋدان اكىمدەرى، جول قۇرىلىسى سالاسىندا تەحنيكالىق قاداعالاۋدى جۇزەگە اسىراتىن مەردىگەرلىك ۇيىمدار مەن كومپانيالاردىڭ وكىلى قاتىستى.

شاھار باسشىسى قىس مەزگىلىنەن كەيىن قالا تۇرعىندارى جولدىڭ قازىرگى جاعدايىنا نارازىلىق تۋدىراتىنىن اتاپ ءوتتى.

«شۇڭقىرلاردىڭ پايدا بولۋىنا، ليۋكتەردىڭ تۇسۋىنە جانە قىستا كوممۋنالدىق كاسىپورىنداردىڭ اپاتتى جانە جوسپارلى قازۋلار جۇرگىزۋىنە بايلانىستى جولداردى اعىمداعى جوندەۋدى جۇرگىزۋ ماسەلەسى وتكىر تۇر. تۇرعىندار تاراپىنان جۇمىستىڭ كەشىگۋىنە بايلانىستى كوشەلەردىڭ ۇزاق جابىلۋىنا قاتىستى تۇراقتى جانە ءادىل شاعىم بار. جۇمىستارعا سەلقوس قاراۋ، فورماليزم جانە ساپا دەڭگەيىنىڭ تومەندىگى، بەكىتىلگەن ستاندارتتار، تاجىريبە كورسەتكەندەي، وڭ ناتيجە بەرمەي وتىر. قالاعا ساپالى جول قاجەت. جۇمىستى دۇرىس جۇرگىزە المايتىن كومپانيالار ەندى قالادا جول جوندەۋ جۇمىسىمەن اينالىسپايدى»، - دەدى قالا اكىمى.

الماتى اكىمى مەردىگەرلىك ۇيىمدار وتكەن جىلى جىبەرگەن بارلىق كەمشىلىكتى قىسقا مەرزىمدە جويۋدى تاپسىردى. قالا اكىمىنىڭ تاپسىرماسى بويىنشا تۇرعىنداردى الدىن الا حاباردار ەتۋ جانە پروتسەستەردىڭ اشىقتىعىن، مەردىگەرلىك ۇيىمداردىڭ ەسەپتىلىگى مەن ءتارتىبىن ارتتىرۋ ءۇشىن ۆەدومستۆولىق ساراپتامادان وتكەننەن كەيىن ۋچاسكەلەر مەن ورىنداۋ مەرزىمدەرى كورسەتىلگەن جۇمىس كەستەسى جاريالاناتىن بولادى.

سونداي-اق ول 2023 -جىلى قالانىڭ 5 شاعىناۋدانىندا (قايرات، العاباس، اقجار، شۇعىلا جانە شاڭىراق-1) جاڭا جول سالىناتىنىن جەتكىزدى.

«قالادا ورتاشا جوندەۋمەن ۇزىندىعى 200 ك م-دەن اساتىن 220 كوشە، اعىمداعى جوندەۋمەن 350 مىڭ شارشى مەتردەن استام كوشە قامتىلادى. بۇل ماقساتتارعا تيىسىنشە 20 ميلليارد تەڭگە جانە 2,8 ميلليارد تەڭگە ءبولىندى. سونداي-اق، ۇزىندىعى 30 ك م تروتۋارلار مەن 40 ايالداما كەشەنىن جوندەۋ جوسپارلانىپ وتىر»، - دەدى ول.

ەربولات دوسايەۆ بيىلدان باستاپ وكىلەتتىكتەردى ورتالىقسىزداندىرۋ جانە جەكەلەگەن بيۋدجەتتى اۋدان اكىمدىكتەرىنە ءبولۋ اياسىندا جول توسەمىنىڭ اعىمداعى جوندەلۋى مەن جاي-كۇيى ءۇشىن اۋدان اكىمدىكتەرى جاۋاپتى بولاتىنىن اتاپ ءوتتى.

قالا باسشىسى ولاردى جولداعى كەمشىلىكتەردى جويۋ بويىنشا جەدەل شارا قابىلداۋعا مىندەتتەدى.

سونىمەن قاتار، ول جول توسەمىنىڭ ساپاسىن قامتاماسىز ەتۋ جانە مەرزىمدەردى ساقتاۋ ءۇشىن ينجەنەرلىك جەلىلەردى توسەۋ جانە جولدى كەيىننەن جوندەۋ جۇمىستارىن سينحرونداۋ قاجەتتىگىن تىلگە تيەك ەتتى.

ەنەرگەتيكا جانە سۋمەن جابدىقتاۋ باسقارماسىنا تۇرعىندار مەن جەكە كومپانيالار تاراپىنان كەيىنگى جەر قازۋفنفڭ الدىن الۋ ءۇشىن ينجەنەرلىك جەلىلەردى ابونەنتكە تىكەلەي جەتكىزۋدى قامتاماسىز ەتۋ تاپسىرىلدى. اۋدان اكىمدىكتەرىنە تۇرعىندار اراسىندا اقپاراتتىق جۇمىستى كۇشەيتۋ تاپسىرىلدى جولدى جوندەۋ جانە سالۋ ينجەنەرلىك جەلىلەردى سالۋ جۇمىستارى اياقتالعاننان كەيىن عانا مۇمكىن جانە ورىندى بولادى.

كەڭەس بارىسىندا ەربولات دوسايەۆ بۇگىندە جولدىڭ ەڭ وزەكتى ماسەلەلى ليۋكتەر ەكەنىن اتاپ ءوتتى. ولاردىڭ ساپاسىزدىعىنا جانە توسەۋ تەحنولوگياسىنىڭ بۇزىلۋىنا بايلانىستى اسفالت بارلىق جەردە شوگەدى، شۇڭقىرلار، كەتىكتەر مەن جارىقتار پايدا بولادى.

مۇنداي جاعدايلاردىڭ الدىن الۋ ءۇشىن بىلتىر تەستىلىك رەجيمدە قالادا شەتەلدە قولدانىلاتىن «قالقىمالى» كورپۋستارى بار جاڭا تەحنولوگيا بويىنشا 25 ليۋك ورناتىلدى. حالىقارالىق تاجىريبە نەگىزىندە اسفالتتىڭ ويىق ءتۇزىلۋىن تومەندەتۋ ءۇشىن گوگول كوشەسىنىڭ ءۇش ۋچاسكەسىندە پوليمەرلەردى قولدانا وتىرىپ، اسفالتبەتون قوسپاسىن پيلوتتىق پايدالانۋ بويىنشا سىناقتار جالعاسۋدا.

جاڭا شەشىمدەر ءوزىنىڭ تيىمدىلىگىن كورسەتتى جانە كۇزگى-قىسقى كەزەڭدە جۇكتەمەلەرگە توتەپ بەردى.

ەربولات دوسايەۆ ولاردى ورتاشا جوندەۋ جانە جاڭا جولدار سالۋ كەزىندە كەڭىنەن قولدانۋدى تاپسىردى.

كەڭەس بارىسىندا جولدارداعى قاۋىپسىزدىك ماسەلەلەرىنە ەرەكشە نازار اۋدارىلدى. اعىمداعى جىلى 220 مەكتەپتىڭ جانىندا 270 رەتتەلمەيتىن جاياۋ جۇرگىنشىلەر وتكەلى جارىقتاندىرىلادى. ورتاشا جوندەۋ شەڭبەرىندە Vision Zero تۇجىرىمداماسى اياسىندا جول قوزعالىسىنا قاتىسۋشىلاردىڭ قاۋىپسىزدىگىن قامتاماسىز ەتۋ جونىندەگى جۇمىستار جالعاساتىن بولادى.

قالا اكىمدىگى قاۋىپسىزدىك بولىكتەرىن ورناتۋ جانە ۆەلوسيپەد جولاقتارىندا 4 مىڭ سيگنالدىق بوللارد ورناتۋ جۇمىستارى كوزدەلگەن. 179 نىساندا رەتتەلمەيتىن جاياۋ جۇرگىنشىلەر وتكەلدەرى ورنالاسقان جەرلەردە دىبىس جولاقتارىن سالۋ جوسپاردا.

مەردىگەرلىك ۇيىمداردىڭ ۇزدىكسىز جۇمىسىن قامتاماسىز ەتۋ، سونداي-اق جاۋاپكەرشىلىك ايماعىن ارتتىرۋ ءۇشىن الماتى اكىمى 3 جىل مەرزىمگە جول ءجۇرىسى قاۋىپسىزدىگىن قامتاماسىز ەتۋ (جول ءجۇرىسىن رەتتەۋدىڭ تەحنيكالىق قۇرالدارىنا قىزمەت كورسەتۋ جانە ۇستاۋ) جونىندەگى جۇمىستارعا شارت جاساسۋدى قامتاماسىز ەتۋدى تاپسىردى.

جالپى، «الماتى قالاسىن 2025 -جىلعا دەيىن دامىتۋ باعدارلاماسى جانە 2030 -جىلعا دەيىنگى ورتا مەرزىمدى پەرسپەكتيۆالارىن» ىسكە اسىرۋ اياسىندا اعىمداعى جىلى اۆتوموبيل جولدارىنىڭ ۇلەسىن جاقسى جانە قاناعاتتانارلىق جاعدايدا %89 عا (2022 -جىلى - %86)، 2025 -جىلعا قاراي %95 عا دەيىن جەتكىزۋ جوسپاردا تۇر.

كەڭەس سوڭىندا ەربولات دوسايەۆ جۇمىستاردىڭ ساپاسىن باقىلاۋدى كۇشەيتۋدى، مەردىگەر ۇيىمداردىڭ قۇرىلىس- جوندەۋ نورمالارىن ساقتاۋىن قامتاماسىز ەتۋدى جانە شارتتىق مىندەتتەمەلەر ورىنداماعان جاعدايدا - جوسىقسىز مەردىگەرلەر تىزىمىنە ەنگىزۋدى، ماتەريالداردى قۇقىق قورعاۋ ورگاندارىنا بەرۋگە دەيىن قاتاڭ شارالار قابىلداۋدى تاپسىردى. مەردىگەرلىك ۇيىمدار جۇمىس ساپاسىن ارتتىرۋ بويىنشا شارالار قابىلداۋعا جانە اتقارىلعان جۇمىس ءۇشىن جاۋاپقا تارتىلۋعا مىندەتتەندى.

بۇعان دەيىن، الماتىدا ەكى جۇزدەن استام كوشە جوندەۋدەن وتەتىنى تۋرالى جازعان بولاتىنبىز.