جاڭبىر، قار، سۋ تاسقىنى: سينوپتيكتەر بىرنەشە وڭىردە ەسكەرتۋ جاريالادى
قىزىلوردا وبلىسىندا جەل سولتۇستىكتەن، سولتۇستىك-شىعىستان سوعادى، وبلىستىڭ سولتۇستىگى مەن ورتالىعىندا ەكپىنى 15-20 م/س قۇرايدى.
كۇندىز ماڭعىستاۋ وبلىسىنىڭ سولتۇستىگى مەن ورتالىعىندا شاڭدى داۋىل تۇرادى. شىعىستان، وڭتۇستىك-شىعىستان جەل سوعادى، ءوڭىردىڭ باتىسىندا، سولتۇستىگى مەن ورتالىعىندا كۇشى 15-20 م/س قۇرايدى.
قوستاناي وبلىسىندا جاۋىن-شاشىن (كوبىنەسە جاڭبىر تۇرىندە) كۇتىلەدى. وبلىستىڭ سولتۇستىگى مەن شىعىسىندا جاياۋ بۇرقاسىن بولادى. ءوڭىردىڭ وڭتۇستىگىندە تۇمان، كوكتايعاق بولجانادى. سولتۇستىك-باتىستان سوعاتىن جەل وڭتۇستىك-باتىسقا اۋىسىپ، جىلدامدىعى 23 م/س ارتادى. اۋا تەمپەراتۋراسى كۇندىز 0-5 اياز، وبلىستىڭ وڭتۇستىگىندە 3+ جىلى بولادى.
تۇندە قاراعاندى وبلىسىنىڭ باتىسىندا، سولتۇستىگىندە، كۇندىز سولتۇستىگى مەن شىعىسىندا جاۋىن-شاشىن (جاڭبىر، قار)، كوكتايعاق كۇتىلەدى. جەلدىڭ ەكپىنى - 15-20 م/س.
تۇندە اقمولا وبلىسىنىڭ باسىم بولىگىندە، كۇندىز سولتۇستىگى مەن شىعىسىندا جاۋىن-شاشىن (كوبىنەسە قار تۇرىندە) بولادى. وبلىستىڭ سولتۇستىگىندە، شىعىسىندا، باتىسىندا جاياۋ بۇرقاسىن، كوكتايعاق بولجانادى. ءوڭىردىڭ باتىسىندا تۇمان كۇتىلەدى. جەلدىڭ ەكىپىنى - 15-20 م/س.
ۇلىتاۋ وبلىسىنىڭ سولتۇستىگى مەن شىعىسىندا جاۋىن-شاشىن (جاڭبىر، قار)، تۇمان، كوكتايعاق كۇتىلەدى. جەلدىڭ ەكپىنى - 15-20 م/س.
تۇندە جانە تاڭەرتەڭ باتىس قازاقستان وبلىسىنىڭ سولتۇستىگى مەن شىعىسىندا تۇمان كۇتىلەدى. جەلدىڭ ەكپىنى - 15-20 م/س.
اقتوبە وبلىسىنىڭ وڭتۇستىگى مەن شىعىسىندا تۇمان، كوكتايعاق كۇتىلەدى. جەلدىڭ كۇشى - 15-20 م/س.
كۇندىز اتىراۋ وبلىسىنىڭ باتىسىندا، شىعىسى مەن وڭتۇستىگىندە شاڭدى داۋىل كۇتىلەدى. شىعىستان، وڭتۇستىك-شىعىستان جەل سوعادى، كۇندىز وبلىستىڭ شىعىسىندا، وڭتۇستىگىندە، باتىسىندا ەكپىنى 15-20 م/س قۇرايدى.
تاڭەرتەڭ جانە كۇندىز پاۆلودار وبلىسىنىڭ باسىم بولىگىندە جاۋىن (جاڭبىر، قار) جاۋىپ، ءوڭىردىڭ باتىسى مەن وڭتۇستىگىندە كوكتايعاق بولادى. تاڭەرتەڭ جانە كۇندىز وبلىستىڭ باسىم بولىگىندە جەلدىڭ ەكپىنى 15-20 م/س قۇرايدى. اۋا تەمپەراتۋراسى - كۇندىز 2 گرادۋس اياز 3 گرادۋس جىلى، وبلىستىڭ وڭتۇستىگىندە 8 گرادۋس جىلى.
الماتى وبلىسىنىڭ باتىسىندا، وڭتۇستىگىندە، تاۋلى اۋداندارىندا تۇمان كۇتىلەدى.
الماتى قالاسىندا تۇندە جانە تاڭەرتەڭ تۇمان بولجانادى.
تۇركىستان وبلىسىنىڭ سولتۇستىگىندە تۇمان بولادى. سولتۇستىك-شىعىستان جەل سوعادى، تاڭەرتەڭ جانە كۇندىز ءوڭىردىڭ سولتۇستىگىندە، باتىسىندا، تاۋلى اۋداندارىندا جەلدىڭ كۇشى ەكپىنى 23 م/س جەتەدى.
سونداي-اق15-17- ناۋرىز ارالىعىندا ۇلكەن جانە كىشى الماتى سۋ الاپتارىندا قار جامىلعىسىنىڭ تۇراقسىزدىعى مەن بيىكتىگىنىڭ جوعارى بولۋىنا، سونداي-اق قاتتى جاۋىن-شاشىننىڭ كۇتىلۋىنە بايلانىستى قار كوشكىنى قاۋپى ساقتالادى.
15-17- ناۋرىز ارالىعىندا اقمولا، سولتۇستىك قازاقستان، پاۆلودار جانە شىعىس قازاقستان وبلىستارىندا قار ارالاس جاڭبىر جاۋىپ، اۋا تەمپەراتۋراسىنىڭ جوعارىلاۋىنا بايلانىستى قار ەريدى. سالدارىنان تاسقىن سۋ قالىپتاسىپ، وزەن-كولدەردە مۇز السىرەيدى، سۋ دەڭگەيى كوتەرىلىپ، ارناسىنان اسۋى ىقتيمال.
15-17- ناۋرىز ارالىعىندا باتىس قازاقستان جانە اقتوبە وبلىستارىندا جوعارى اۋا تەمپەراتۋراسىنىڭ ساقتالۋى مەن ودان ءارى جوعارىلاۋ بولجامىنا سايكەس قاردىڭ قارقىندى ەرۋى، تاسقىن سۋدىڭ قالىپتاسۋى، مۇزدىڭ السىرەۋى جانە وزەندەردە سۋ دەڭگەيىنىڭ كوتەرىلۋى ساقتالادى. بۇل رەتتە سۋدىڭ جايىلۋى جانە تاسقىنى بولۋى مۇمكىن.
اتىراۋ وبلىسىنىڭ قىزىلقوعا اۋدانىنداعى وزەندەردە سۋ دەڭگەيىنىڭ كوتەرىلۋى كۇتىلەدى جانە ەلدى مەكەندەرى سۋ باسۋ قاۋپى بار.
