چەمپيوندار ليگاسى: «مانچەستەر سيتي» شيرەك فينالعا شىعا الا ما
ەكى ويىننىڭ بىرىندە پورتۋگاليانىڭ «پورتۋ» كومانداسى ءوز الاڭىندا يتاليانىڭ «ينتەرىن» قابىلدايدى.
كەزدەسۋ ەلوردا ۋاقىتىمەن 1.50 دە باستالىپ، «Qazaqstan» تەلەارناسىنان تىكەلەي ەفيردە كورسەتىلەدى.
ەكى كوماندا بۇعان دەيىن بەس مارتە كەزدەستى. ونىڭ بىرەۋىندە «پورتۋ»، ۇشەۋىندە «ينتەر» جەڭسە، ءبىر كەزدەسۋدە تەڭ تارقاستى.
1/8 فينالداعى العاشقى ويىندا يتاليالىق كلۋب 1:0 ەسەبىمەن باسىم ءتۇستى.
ەكىنشى كەزدەسۋدە انگليانىڭ «مانچەستەر سيتي» جانە گەرمانيانىڭ «رب لەيپتسيگ» كوماندالارى شەبەرلىك بايقاسادى.
كەزدەسۋ ەلوردا ۋاقىتىمەن 1.50 دە باستالىپ، «Qazsport» تەلەارناسىنان تىكەلەي ەفيردە كورسەتىلەدى.
ەكى كوماندا بۇعان دەيىن ءۇش مارتە كەزدەستى. ونىڭ ەكەۋىندە كوماندالار ءبىر-بىردەن جەڭىسكە جەتسە، ءبىر كەزدەسۋ تەڭ ناتيجەمەن اياقتالدى.
ال 1/8 فينالداعى العاشقى ويىندا 1:1 ەسەبى تىركەلدى.
ەسكە سالساق، بۇدان بۇرىن «باۆاريا» (گەرمانيا)، «ميلان» (يتاليا)، «بەنفيكا» (پورتۋگاليا) مەن «چەلسي» (انگليا) كوماندالارى شيرەك فينالعا جولداما الدى.
