مارات احمەتجانوۆ سايلاۋ كۇنى قوعامدىق ءتارتىپ قالاي قامتاماسىز ەتىلەتىنىن ايتتى
«سايلاۋ كۇنى ءبىز سايلاۋ ۋچاسكەلەرىن كۇزەتكە الۋعا مىندەتتىمىز. سوندىقتان، قوسىمشا كۇش تارتىلادى. ۋچاسكەلەرگە بيۋللەتەندەر اكەلىنگەننەن كەيىن كۇزەتكە الىنادى. وعان قوسا قوعامدىق ءتارتىپتى قامتاماسىز ەتۋ ءۇشىن ءبىزدىڭ پاترۋلدەر وزدەرىنە جاقىن ورنالاسقان ۋچاسكەلەردىڭ اياسىندا شوعىرلاندىرىلادى. سىزدەر بايقامايتىن شىعارسىزدار، رەسپۋبليكا بويىنشا ءبىزدىڭ پاترۋلدەگى 13 مىڭداي ادام تىنىشتىقتارىڭىز بەن قاۋىپسىزدىكتەرىڭىزدى قامتاماسىز ەتىپ ءجۇر»، - دەدى مينيستر.
سونداي-اق، ول جۋرناليستەردىڭ ساۋالىنا جاۋاپ بەرە وتىرىپ، استانا مەن الماتى قالالارىنا سايلاۋ كۇنى ۇلتتىق ۇلاننىڭ قوسىمشا كۇشى تارتىلمايتىنىن ايتتى.
«جوق، ارينە. قاجەتى قانشا؟ ءبىزدىڭ ىشكى اسكەرىمىز بار، ول ىشكى اسەر ەمەس، ۇلتتىق ۇلان جاۋىنگەرلەرى. ولاردىڭ وزىنە بەكىتىلگەن ستراتەگيالىق نىسانداردى، تۇزەتۋ مەكەمەلەرىن كۇزەتۋ سياقتى مىندەتتەرى بار. ياعني، قوعامدىق ءتارتىپتى قامتاماسىز ەتۋگە پاترۋلدىك بەكەت ساقشىلارى، ۋچاسكەلىك پوليتسيا وكىلدەرى جۇمىلدىرىلادى»، - دەدى مارات احمەتجانوۆ.
