قازاقستان مەن ەۋرووداق قۇقىقتىق سالادا بىرلەسىپ ارەكەت ەتۋ تۋرالى حاتتاماعا قول قويدى
قازاقستاندىق دەلەگاتسيادان باس پروكۋراتۋرانىڭ، جوعارعى سوتتىڭ، سىبايلاس جەمقورلىققا قارسى ءىس-قيمىل اگەنتتىگىنىڭ، ۇلتتىق قاۋىپسىزدىك كوميتەتىنىڭ، ادام قۇقىقتارى جونىندەگى ۇلتتىق ورتالىقتىڭ، سىرتقى ىستەر، اقپارات جانە قوعامدىق دامۋ، ەڭبەك جانە حالىقتى الەۋمەتتىك قورعاۋ، سونداي-اق ادىلەت مينيسترلىكتەرىنىڭ وكىلدەرى قاتىستى.
وسى ءىس-شارالاردىڭ تەڭ ءتوراعاسى بولىپ تابىلاتىن ق ر باس پروكۋرورىنىڭ ورىنباسارى بولات دەمبايەۆ ولاردىڭ ەرەكشە ماڭىزدىلىعىن اتاپ ءوتتى، ويتكەنى قازاقستان رەسپۋبليكاسىنىڭ كونستيتۋتسياسىنا سايكەس ادامنىڭ ءومىرى، ونىڭ قۇقىقتارى مەن بوستاندىقتارى باستى قۇندىلىقتار بولىپ تابىلادى.
تاراپتار ازاپتاۋلاردىڭ الدىن الۋ، زاڭسىز كوشى-قونعا، تەرروريزمگە، ەسىرتكى قىلمىسىنا، كولەڭكەلى ەكونوميكاعا جانە سىبايلاس جەمقورلىققا قارسى كۇرەس، سوت-قۇقىقتىق رەفورما، قازاقستاننىڭ قىلمىستىق سوت ءىسىن جۇرگىزۋ سالاسىنداعى ەۋروپالىق كونۆەنتسيالارعا قوسىلۋ باستاماسى تۋرالى ماسەلەلەرىن تالقىلادى.
سونىمەن قاتار، ازاماتتىق قوعامدى دامىتۋ، ايەلدەر مەن بالالاردىڭ قۇقىقتارىن قورعاۋ، ءسوز جانە ءدىن بوستاندىعى تۋرالى پىكىر الماستى.
«اتالعان وتىرىستاردىڭ سوڭىندا تاراپتار بىرلەسكەن قىزمەتتىڭ ودان ءارى قادامدارىن بەلگىلەپ، ءتيىستى حاتتاماعا قول قويدى»، - دەلىنگەن باس پروكۋراتۋرانىڭ باسپا ءسوز قىزمەتى تارتقان حابارلامادا.
