سەرىك كۇدەبايەۆ اۋرۋحاناعا ءتۇستى: سوت كەيىنگە شەگەرىلدى
جەتىسۋ وبلىستىق سوتىنىڭ رەسمي وكىلى نۇرسۇلتان ورىنباساروۆ ايىپتالۋشىنىڭ اۋرۋحاناعا ءتۇسىپ قالۋىنا بايلانىستى سوت وتىرىسى كەيىنگە قالعانىن مالىمدەدى.
بۇعان دەيىنگى سوت وتىرىسىندا پروكۋرور سۋديادان سەرىك كۇدەبايەۆقا 9 جىل باس بوستاندىعىنان ايىرۋ جازاسىن تاعايىنداۋدى سۇراعان ەدى.
ايتا كەتەيىك، الماتى وبلىسى پوليتسيا دەپارتامەنتىنىڭ بۇرىنعى باستىعى سەرىك كۇدەبايەۆتىڭ سوتى قاڭتار ايىندا باستالعان بولاتىن.
ەسكە سالساق، الماتى وبلىستىق پوليتسيا دەپارتامەنتىنىڭ بۇرىنعى باسشىسى سەرىك كۇدەبايەۆ قاڭتار وقيعاسى بويىنشا كۇدىكتى دەپ تانىلعان ەدى.
ول 2020 -جىلدان باستاپ 2022 -جىلدىڭ قاڭتارىنا دەيىن الماتى وبلىسى پوليتسيا دەپارتامەنتىنىڭ باستىعى قىزمەتىن اتقارعان.
2022 -جىلدىڭ 18- اقپانىندا ول ىشكى ىستەر ورگاندارىنان ءوز ەركىمەن بوساتىلدى.
اۆتور
الما مۇقانوۆا
