زيالى قاۋىم مەن جۋرناليستەر اراسىنداعى بيليارد تۋرنيرىنىڭ جەڭىمپازدارى انىقتالدى

استانا. قازاقپارات - استانادا زيالى قاۋىم جانە ب ا ق وكىلدەرى اراسىندا وتكەن جولداسبەك دۋاناباي اتىنداعى ءداستۇرلى بيليارد تۋرنيرىنىڭ جەڭىمپازدارى انىقتالدى، دەپ حابارلايدى قازاقپارات.

48 ادام باق سىناعان تۋرنيرگە جوعارى ۇلتتىق دارەجەدەگى تورەشى نەسىپ ءجۇنىسباي ۇلى قازىلىق ەتتى.

جارىس قورىتىندىسى:

55 جاستان اسقاندار ساناتى:

I ورىن (100 مىڭ تەڭگە) - ەۋرازيا ۇلتتىق ۋنيۆەرسيتەتى جۋرناليستيكا جانە ساياساتتانۋ فاكۋلتەتىنىڭ دەكانى، عالىم قايرات ساق؛

Ⅱ ورىن (70 مىڭ تەڭگە) - جۋرناليست ءالىمجان سابىرجان ۇلى؛

Ⅲ ورىن (50 مىڭ تەڭگە) - جازۋشى، ارداگەر جۋرناليست نەسىپ ءجۇنىسباي ۇلى.

55 جاسقا دەيىنگىلەر ساناتى:

I ورىن (100 مىڭ تەڭگە) - جۋرناليست نۇردىلدا وراز؛

Ⅱ ورىن (70 مىڭ تەڭگە) - اقىن، دراماتۋرگ ۇلاربەك نۇرعالىم؛

Ⅲ ورىن (50 مىڭ تەڭگە) - «حابار» اگەنتتىگىنىڭ جۋرناليسى احمەتالى ساق.

جولداسبەك دۋاناباي اتىنداعى ارنايى سىيلىق سەنات دەپۋتاتى نۇرتورە جۇسىپكە تابىستالدى. «شەبەر ويىنشى» نوميناتسياسىن شارحان قازىعۇل ەنشىلەسە، قاينار ولجاي مەن سەرىك جانبولات سايىستىڭ ۇزدىك ويىنشىلارى اتاندى. سونداي-اق تۋرنيرگە قاتىسقان ەربول ەردەنبەك پەن ەرمۇحامەد ماۋلەن تۋرنيردىڭ سۇرمەرگەنى اتاندى.

بۇعان دەيىن حابارلاعانىمىزداي، ءىس- شارانى Aiqyn، «ليتەر» جانە Turkistan گازەتتەرى قازاق باسىلىمدارىنا ەلەۋلى ەڭبەك سىڭىرگەن بەلگىلى جۋرناليست، ب. بۇلقىشيەۆ اتىنداعى سىيلىقتىڭ لاۋرەاتى، مادەنيەت قايراتكەرى جولداسبەك دۋانابايدىڭ قۇرمەتىنە ۇيىمداستىردى.