قازاقستان ازەربايجاننان جەمىس-جيدەك اكەلۋگە قاتىستى زاڭدى ماقۇلدادى
زاڭنىڭ نەگىزگى ماقساتى - كارانتينگە جاتقىزىلعان ءونىمدى ەلگە اكەلۋ كەزىندە فيتوسانيتاريالىق قاۋىپسىزدىكتى قامتاماسىز ەتۋ جونىندەگى ءىس-شارالار مەن ءوزارا ءىس-قيمىلدى نىعايتۋ.
«2010-جىلعى 29- ساۋىردەن باستاپ قازاقستان حالىقارالىق وسىمدىكتەر كارانتينى جانە ولاردى قورعاۋ جونىندەگى كونۆەنتسيانىڭ (ح و ك ق ك) مۇشەسى سانالادى. قازاقستان رەسپۋبليكاسىنىڭ قابىلدانعان حالىقارالىق مىندەتتەمەلەرى فيتوسانيتاريالىق ءىس-شارالار بويىنشا حالىقارالىق ستاندارتتاردىڭ ساقتالۋىن جانە قولدانىلۋىن كوزدەيدى. وسى تالاپتاردى ساقتاۋ ەكى ەل اۋماعىندا ءتيىستى فيتوسانيتاريالىق جاعدايدى قامتاماسىز ەتەدى»، - دەدى ق ر اۋىل شارۋاشىلىعى ۆيتسە-ءمينيسترى ءابىلحايىر تامابەك
كەلىسىمدى راتيفيكاتسيالاۋ بويىنشا زاڭ جوباسىن قابىلداۋ مىنالاردى قامتاماسىز ەتەدى:
- كارانتينگە جاتقىزىلعان ءونىمنىڭ ورنىن اۋىستىرۋ كەزىندە ەكى ەلدىڭ فيتوسانيتاريالىق قاۋىپسىزدىگىن قامتاماسىز ەتۋ ماقساتىندا ودان ءارى ىنتىماقتاستىقتى دامىتۋ؛
- ەكى ەل اۋماعىنىڭ فيتوسانيتاريالىق جاي-كۇيى تۋرالى ءوزارا حاباردار ەتۋ؛
- زەرتتەۋ جانە دياگنوستيكالاۋ تاجىريبەسىمەن الماسۋ بولىگىندە وسىمدىكتەر كارانتينى جونىندەگى عىلىمي ۇيىمدار اراسىنداعى ىنتىماقتاستىقتى جۇزەگە اسىرۋ.
«قازىرگى كەزدە وسىمدىك شارۋاشىلىعى ونىمدەرى ەكسپورتىنىڭ جالپى كولەمى شامامەن 200 مىڭ توننانى قۇراپ وتىر.
ونىڭ ايتۋىنشا، قازاقستاننان ازەربايجانعا نەگىزىنەن ءداندى داقىلدار ەكسپورتتالىپ جاتىر. ءوز كەزەگىندە ازەربايجاننان قازاقستان اۋماعىنا جىلىنا شامامەن 15 مىڭ تونناعا جۋىق جەمىس-كوكونىس ونىمدەرى كەلەدى. ازەربايجاننان كەلەتىن يمپورت نەگىزىنەن الما، المۇرت، انار، ءجۇزىم، جاڭعاق جانە تسيترۋس جەمىستەرى تۇرلەرىنەن تۇرادى.
