مەرزىمدى قىزمەتكە اسكەرگە شاقىرۋ باستالدى
«بۇگىنەن باستاپ جەرگىلىكتى اتقارۋشى ورگانداردىڭ 195-اسكەرگە شاقىرۋ پۋنكتتەرىندە قالالىق جانە اۋداندىق اسكەرگە شاقىرۋ كوميسسيالارى جۇمىسىن باستايدى. وعان اكىمدەردىڭ ورىنباسارلارى باسشىلىق ەتەدى. 2023 -جىلى 12 -شىلدەگە دەيىن قارۋلى كۇشتەردىڭ باسقا دا اسكەرلەر مەن اسكەري قۇرىلىمدارىنىڭ قاتارىن اسكەرگە شاقىرۋدى كەيىنگە قالدىرۋعا نەمەسە ودان بوساتۋعا نەگىزى جوق 18 بەن 27 جاس ارالىعىنداعى 18 مىڭنان استام ەر- ازامات تولىقتىرادى. سونىڭ ىشىندە قارۋلى كۇشتەردى 7 مىڭنان استام، ۇلتتىق ۇلاندى 6 مىڭنان استام، ۇ ق ك شەكارا قىزمەتىن 3 مىڭنان استام، توتەنشە جاعدايلار مينيسترلىگىن 3 مىڭنان استام، مەملەكەتتىك كۇزەت قىزمەتىن 80 نەن استام ادام تولىقتىرادى»، - دەدى باۋىرجان ارتىقوۆ ورتالىق كوممۋنيكاتسيالار قىزمەتىندەگى بريفينگتە
ونىڭ اتاپ وتۋىنشە، مەرزىمدى قىزمەتكە اسكەرگە شاقىرۋ جانە ونىڭ بەلگىلەنگەن مەرزىمىن وتكەرگەن اسكەري قىزمەتشىلەردى زاپاسقا شىعارۋ قولدانىستاعى زاڭعا سايكەس ۇيىمداستىرىلىپ، جۇرگىزىلەدى.
«اسكەرگە شاقىرىلۋعا ءتيىستى ەر- ازاماتتاردى حاباردار ەتۋ دەربەس شاقىرۋ قاعازىن جولداۋ ارقىلى جۇزەگە اسىرىلادى. شاقىرتۋ قاعازى ولاردىڭ تۇرعىلىقتى مەكەنجايىنا نەمەسە جۇمىس ورىندارىنا جەتكىزىلەدى. بۇل رەتتە وسى پروتسەستى اۆتوماتتاندىرۋ ماقساتىندا 2021 -جىلدان باستاپ اسكەرگە شاقىرۋشىلاردى س م س- حابارلاما جولداۋ ارقىلى حاباردار ەتۋ جۇرگىزىلۋدە»، - دەدى ول.
