اسكەري قىزمەت وتكەرۋدەن جالتارعاندار قىلمىستىق جاۋاپقا تارتىلادى - قارۋلى كۇشتەر مامانى
بۇل تۋرالى قارۋلى كۇشتەر باس شتابىنىڭ ۇيىمداستىرۋ- جۇمىلدىرۋ جۇمىستارى دەپارتامەنتىنىڭ باستىعى باۋىرجان ارتىقوۆ ايتتى، دەپ حابارلايدى قازاقپارات ءتىلشىسى.
«اسكەري قىزمەت - ول ەلىمىزدىڭ ەگەمەندىگىن ساقتاۋ نەگىزى. ال جاستارعا تاربيە بەرۋ، ولاردى وتاندى قورعاۋعا دايارلاۋ تەك مەملەكەتتىك قۇرىلىمداردىڭ عانا ەمەس، ءبىرىنشى كەزەكتە بارلىق قوعامنىڭ ماڭىزدى مىندەتى بولىپ سانالادى. اسكەري قىزمەت ءاربىر ەر ازاماتتىڭ زاڭمەن بەلگىلەنگەن مىندەتى، ال ونى وتكەرۋدەن جالتارۋ قىلمىستىق جانە اكىمشىلىك جاۋاپتىلىقتى كوزدەيدى»، - دەدى باۋىرجان ارتىقوۆ ورتالىق كوممۋنيكاتسيالار قىزمەتىندەگى بريفينگتە.
ونىڭ اتاپ وتۋىنشە، ازاماتتاردى اسكەري قىزمەتكە شاقىرۋدى جەرگىلىكتى اتقارۋشى ورگاندار ۇيىمداستىرىپ، قامتاماسىز ەتەدى.
«كوپ جاعدايدا ازاماتتار اسكەرگە شاقىرۋدى كەيىنگە قالدىرۋ نەمەسە ودان بوساتۋ ماسەلەسىن شەشۋ ءۇشىن اسكەرگە شاقىرۋ كوميسسياسىنا ەش قاتىسى جوق، وسى ماسەلەنى شەشۋگە قۇزىرەتتى ەمەس الاياقتارعا جۇگىنەدى. سوندىقتان، اقشا تالاپ ەتۋ، تۋىنداعان ماسەلەنى شەشۋدى ۇزاققا سوزۋ جانە باسقا دا سىبايلاس جەمقورلىق كورىنىسى بار بارلىق جاعداي بويىنشا جەدەل شارا قابىلداۋ جانە تۋىنداعان جاعداي بويىنشا كەڭەس الۋ ءۇشىن قورعانىس مينيسترلىگى مەن قۇقىق قورعاۋ ورگاندارىنىڭ سەنىم تەلەفوندارىنا حابارلاسۋ قاجەت»، - دەدى دەپارتامەنت باستىعى.
