اقشانى جاسىرۋعا بولمايتىن قۇپيا ورىندار

ءبىر مينۋت وتپەي-اق، كىتاپتىڭ ىشىنە ساقتاپ قويعان اقشا تابىلدى. سودان سوڭ ساراپشى قوراپتاردىڭ ءىشىن اقتارىپ، بارلىق سورەلەردى تەكسەرىپ شىقتى. وسىلايشا ەكىنشى قۇپيا ورىن دا تابىلدى: ياعني قوبديشا. كەلەسى ورىن - كويلەك-كونشەك شكافى. مۇندا ساراپشى توسەك-ورىننىڭ اراسىنا جاسىرىلعان اقشانى تاۋىپ الدى. سوسىن سىرتقى كيىمدەردىڭ قالتالارى تەكسەرىلدى. سونداي-اق كرەسلو جاستىعىنىڭ استىنا تىعىلعان اقشا دا تەز قولعا ىلىكتى. ال بالالار ويىنىنا ارنالعان قوراپتاعى قۇپيا ورىن ەلەۋسىز قالدى.

ىزدەۋدى جالعاستىرا وتىرىپ، اس بولمەسىنە وتەيىك. شكافتارداعى زاتتاردىڭ ءىشى مەن اس ءۇي قۇرالدارى سالىنعان قوراپشالار مۇقيات تەكسەرىلدى. ايەلدەر كوبىنە اقشانى جارما سالىنعان قۇتىلارعا جانە اس ءۇي قۇرال-جابدىقتارى سالىنعان جاشىكتەرگە جاسىرادى. كەلەسى كەزەكتە دۋحوۆكا شكافى مەن گۇل وسىرەتىن قىش قۇمىرالار تەكسەرىلىپ، ولاردىڭ بىرىنەن جاسىرعان اقشا تابىلدى. تەك ءمولدىر قابىرعالى قوراپشالار عانا كوزدەن تاسا قالدى.

اقشا جاسىرىلعان 10 قۇپيا ورىننىڭ 15 مينۋت ىشىندە ساراپشىنىڭ كوزىنە 8 ى ىلىكتى. ال بۇل سالانىڭ كاسىبي ادامى بۇل ىسكە ەكى ەسە از ۋاقىت جۇمسايدى. بىلايشا ايتقاندا، ول اقشا جاسىرىلعان بارلىق قۇپيا ورىنداردى تەز تاۋىپ الادى.