ومىردەن ەرتە وزعان تانىمال قازاقستاندىقتار
بۇل جاڭالىق كىمگە بولماسىن وڭاي تيمەگەنى انىق. ونەر يەسى قازاق مۋزىكا مادەنيەتىنە سونى لەپ اكەلگەن ەدى. ول نەبارى 32 جاسىندا، جالىنداعان تۇسىندا ومىردەن ءوتتى.
Massaget.kz ءتىلشىسى ەل ەسىندە جارقىن بەينەسىمەن قالعان، قىرشىن كەتكەن تانىمال قازاقستاندىقتار كىمدەر ەكەنىنە شولۋ جاسادى.
جانار حاميتوۆا
تانىمال ءانشى جانار حاميتوۆا 1989-جىلى قاراعاندى وبلىسى، قارقارالى اۋىلىندا دۇنيەگە كەلگەن. شىعارماشىلىققا جاقىن بولعان ول كىشكەنتاي كەزىنەن سپورتپەن دە شۇعىلدانعان. ال 8-سىنىپتان باستاپ ۇلكەن ساحنالارعا شىققان.
جاس ءانشى شىعارماشىلىق كارەراسىن قىزداردان قۇرالعان China Town توبىنان باستادى. كوپ ۇزاماي Super Star KZ جەڭىمپازى نۇرجان كەرمەنبايەۆپەن بىرگە «ارناۋ» دۋەتىن قۇردى. ءبىراق دۋەتتىڭ عۇمىرى ۇزاققا سوزىلمادى. 2009-جىلى كۇتپەگەن جەردەن جانار توپتان كەتىپ قالدى.
تۇرمىس قۇرىپ، شەتەلگە كەتكەن جانار قازاقستانعا ورالعاننان كەيىن شىعارماشىلىق كارەراسىن قايتا باستاعىسى كەلەتىنىن ايتقان. سول كەزدە وعان ارىپتەسى سيۆي ماحمۋدي قول سوزىپ، مەيرامحانادا ءانشى بولىپ قىزمەت ەتۋدى ۇسىنعان. ءبىراق كوپ ۇزاماي جاناردىڭ كوڭىل كۇيى ءجيى وزگەرىپ، تۇراقتى جۇمىس ىستەۋگە دايىن بولماۋى كەسىرىنەن سيۆيمەن ءوزارا سەرىكتەستىگىن توقتاتقان.
ءانشى 30 جاسىندا دۇنيەدەن وزدى. ىشكى ىستەر مينيسترلىگى مالىمەتىنشە، ءوز-وزىنە قول جۇمساۋ دەرەگى بويىنشا ءىس قوزعالعان.
2018-جىلى جاناردىڭ ومىرىندە قيىن جاعدايلار بولعان. ويتكەنى كۇيەۋى ۇيدەن كەتۋدى تالاپ ەتكەن. ول كەزدە ولار تۇركيادا تۇرىپ جاتقان. شەتەل بولعاندىقتان، جالعىز جانارعا ءومىر ءسۇرۋ قيىن بولعان ەكەن.
«تۇركيادا 10 دوللارعا تۇراقتاردى سىپىردىم، 1000 ليراعا كۇتۋشى بولدىم، كورشىلەردىڭ ءۇيىن جينادىم. قازىر قازاقستانعا كەلىپ ىدىس جۋۋشى بولىپ جۇمىس ىستەپ جاتىرمىن، وتباسىلىق جۇپپەن پاتەر جالداپ تۇرامىن. كومەك سۇراعانىمدا، ەشكىم كومەكتەسپەدى. ىستىق سۋسىز، ءۇيسىز ءومىر ءسۇردىم. پاتەر جالداۋ ءۇشىن 300 مىڭ تەڭگە نەسيە الدىم. قازىر تولەپ جاتىرمىن. مەن تىلدەردى بىلەمىن، ءبىراق ديپلومىم جوق. 30 جىلىمدا 20 رەت ومىرىممەن قوشتاسقىم كەلدى - تامىرىمدى كەستىم، اسىلىپ ولمەك تە بولدىم»، - دەيدى جانار.
ول «ەل اۋزىندا» باعدارلاماسىنا بەرگەن سۇحباتىندا دەنساۋلىعىن ويلاپ، پسيحولوگقا جۇگىنەتىنىن ايتقان بولاتىن.
«بۇل وتە قيىن، شارشادىم، مەندە دەپرەسسيا بولىپ جاتىر. كۇش جيناۋىم كەرەك. ءالى دە ساحناعا شىعۋعا قورقامىن... نەگىزى كوپ الدىنا شىقپايتىن ۇيالشاق اداممىن. قازىر ماڭىزدىسى - دەنساۋلىعىم، سونى جاقسارتۋىم كەرەك. پسيحولوگقا بارعىم كەلەدى»، - دەگەن ەدى جانار.
ورازالى دوسبوسىنوۆ
تانىمال اقىن ورازالى دوسبوسىنوۆ 1975-جىلى 15- قاراشادا الماتى وبلىسى رايىمبەك اۋدانى، تەگىستىك اۋلىندا دۇنيەگە كەلگەن. ايتىسكەر اقىن نەبارى 29 جاسىندا قايتىس بولدى.
اقىننىڭ اناسىنىڭ ايتۋىنشا، ورازالىنىڭ اكەسى ءۇش اعايىندى بولعان - جارىلقاسىن، قاسىم، ورازالى. جارىلقاسىننىڭ اعاسى ورازالى قىتايدا تەكەس جەرىندە اقىن، جىرشى بولعان. ءسويتىپ، ونەر قۋىپ ءجۇرىپ حابارسىز كەتىپتى. جارىلقاسىن سول باۋىرىنىڭ اتى وشپەسىن دەپ ۇلىنا ورازالى اتىن بەرىپتى.
ايتىس ونەرىندە ەرەكشە ماقامىمەن رەفورماتور اقىن رەتىندە تانىلعان ورازالى كوزى تىرىسىندە «قۇلمامبەتتىڭ قۇلىنى» اتانعان.
الماتى وبلىسى شونجى اۋىلىنان كەلە جاتىپ كولىكپەن اۋدارىلعان ورازالى دوسبوسىنوۆ 30 جاسقا تولار ۋاقىتىندا دۇنيەدەن ءوتتى. اقىننىڭ ارتىنان ەكى جىلدان كەيىن جارى اجار تۇزەلبەك قىزى 2011-جىلى جول اپاتىنان اجال قۇشتى. ونەر ادامدارىنىڭ ارتىنان نۇرايشا ەسىمدى قىزدارى مەن نۇرسۇلتان ەسىمدى ۇلدارى قالعان.
View this post on Instagram
«مەكتەپ بىتىرگەننەن كەيىن شىمكەنت قالاسىنا وقۋعا جىبەرسەك، ول بىزگە ايتپاي الماتىعا تارتىپ وتىرىپتى. جولى بولىپ قازىرگى ت. جۇرگەنوۆ اتىنداعى ونەر اكادەمياسىنا ءوز كۇشىمەن ءتۇسىپ، ءبارىمىزدى تاڭعالدىرعان. سول وقۋ ورداسىندا ءبىلىم الىپ ءجۇرىپ، كوپ ۇزاماي ورازالىمەن تانىستى. ەكەۋى ءبىرىن-ءبىرى ۇناتىپ، شاڭىراق كوتەردى. نارەستە ءسۇيدى. ورازدىڭ ءبىزدىڭ اۋىلعا ءار كەلگەنى توي-مەرەكە بولاتىن. باياعىنىڭ سال-سەرىلەرىن كۇتكەندەي، اۋىل-ايماق، كورشى-قولاڭ بولىپ، كۇتىپ الاتىنبىز. ەكەۋى تاڭعا دەيىن كەزەك-كەزەك ءان سالىپ، كوڭىلىمىزدى ءبىر كوتەرىپ تاستايتىن. سويتكەن قوس قۇلىنىمنان، قوس جانارىمنان تاعدىردىڭ ىسىمەن ويلاماعان جەردەن ايىرىلىپ قالدىم. وراز قايتىس بولعان ۋاقىتتا اجار قاتتى قينالدى. ەكى جىل ۇيدەن شىقپاي، ازا تۇتتى. ءوزىنىڭ جارىنا دەگەن جوقتاۋىن، ساعىنىشىن، ماحابباتىن، سۇيىسپەنشىلىگىن «ساعىندىم سەنى» انىمەن، كليپىمەن جەتكىزە ءبىلدى دەپ ويلايمىن»، - دەگەن ەدى اجاردىڭ اكەسى تۇزەلبەك ءابجان ۇلى سۇحباتتارىنىڭ بىرىندە.
بەكزات ساتتارحانوۆ
وليمپيادا چەمپيونى بەكزات ساتتارحانوۆ 1980-جىلى 4- ساۋىردە تۇركىستاندا دۇنيەگە كەلگەن. بەكزات نەبارى 20 جاسىندا وليمپيادا ويىندارىندا توپ جارىپ، ەلباسىنىڭ قولىنان 1- دارەجەلى «بارىس» وردەنىن العان تۇڭعىش سپورتشى بولدى.
informburo.kz مالىمەتىنشە، 2000-جىلى 31- جەلتوقساندا بەكزات ساتتارحانوۆ تۇركىستانداعى ورتالىق الاڭدا وتكەن سالتاناتتى شاراعا قاتىسىپ، «جىل سپورتشىسى» ماراپاتىن يەلەنگەن. ال ساعات 22.00 شاماسىندا اتا-اناسىن قۇتتىقتاپ، اناسىن قۇشاقتاپ قوشتاسقان. بەكزات وليمپيادا مەدالى ءۇشىن بەرىلگەن قارجىعا العان جاڭا قىمبات كولىگىنە ءمىنىپ، ءۇش ادام بولىپ شىمكەنتكە جولعا شىققان. جاڭا جىلعا از عانا ۋاقىت قالعان. وسىلايشا، دوستارى كۇتىپ وتىرعان ۇيگە 40 شاقىرىم قالعاندا جول اپاتىنا ۇشىراعان. ماشيناداعى ەكى ادام امان قالعان، اۋىر جاراقاتتانعان بەكزات ساتتارحانوۆ سول جەردە ومىردەن وتكەن.
سونداي-اق، باسىلىم مالىمەتىنشە، 2011-جىلعى مامىردا بەكزات ساتتارحانوۆتىڭ قابىرى باسىنداعى جۇلدەلەردىڭ كوشىرمەسى ۇرلانىپ كەتكەن. باعالى مەتالدان جاسالعان كوشىرمەلەردى ۇرلاعان كۇدىكتىلەر تابىلماعان. سول كەزدە سپورتشىنىڭ اناسى «بالاسىن ەكىنشى رەت ولتىرگەنىن» ايتقان.
بەكزات ساتتارحانوۆ 20 جىلدىق عۇمىرىندا شارشى الاڭدا 143 جەكپە-جەك وتكىزىپ، ونىڭ 132 سىندە جەڭىسكە جەتكەن.
ءنابي ايمۇراتوۆ
تانىمال ءانشى ءنابي ايمۇراتوۆ ءان ونەرىندە وزىندىك ءىز قالدىرا ءبىلدى. ونىڭ «مەكتەپتەگى ماحاببات»، «اق شاعالا»، «گۇلىمسىڭ» اندەرى ءالى كۇنگە دەيىن حالىق جادىندا. ءانشى 2009-جىلى 15- ماۋسىمدا جول اپاتىنان قازا تاپقان. كولىك اپاتى «سامارا-شىمكەنت» تاسجولىنىڭ شيەلى اۋدانى اۋماعىندا بولعان.
ءانشىنىڭ جارى «جۇلدىزدار وتباسى» باسىلىمىنا بەرگەن سۇحباتىندا ءنابيدىڭ ءومىرىنىڭ سوڭعى كۇندەرى تۋرالى ەستەلىكتى بولىسكەن.
«قىزىلورداداعى بولەسىنىڭ تويى بولاتىن بولدى. ماما (ءنابيدىڭ اناسى - ەسك.) «تويعا كەلىڭدەر» دەدى. ءبىراق ءنابي باسىندا ءبىزدىڭ ول تويعا بارا المايتىنىمىزدى ايتتى. ءبىراق ءبىر-ەكى كۇننەن سوڭ تويعا ەركىن نۇرجانوۆتى الىپ باراتىن بولدىق. ءدال توي بولاتىن كۇنى ءنابي ەركىنگە قايتا-قايتا قوڭىراۋ شالىپ، تىنشىمادى. ونىمەن سويلەسە الماعان سوڭ، ەركىننىڭ بولە ىنىسىنە تەلەفون سوعىپ، «ەركىندى قالايدا الىپ كەلىڭدەر» دەدى. سونىمەن ەركىن، ەركىننىڭ بولەسى، بولەسىنىڭ دوسى ۇشەۋى Mercedes اۆتوكولىگىمەن تويعا كەلدى. توي بىتپەي جاتىپ، ءنابي «قايتامىز» دەي باستادى. ءبارى ءبىزدى شىعارىپ سالدى. اسىققان سەبەبى، ەرتەڭىنە «مۇمكىن ەمەس» انىنە بەينەكليپ ءتۇسىرۋدى باستاماق ەدى»، - دەيدى ءانشىنىڭ جارى.
تويدان اسىعىپ شىققان ءنابي كەلىنشەگىمەن قوشتاسقانداي بولىپ، ونى قۇشاقتاپ، سول جولى ەركىن نۇرجانوۆ وتىرعان كولىككە مىنگەن. اپات بولعان كەزدە نابيدىڭ قورعانىس بەلدىگى تاعىلماعان، ال ءانشىنىڭ ءوزى شىرت ۇيقىدا بولعان. انشىلەر وتىرعان كولىكتى تىزگىندەگەن جۇرگىزۋشى جىلدامدىقتى 230 عا جەتكىزگەن ەكەن.
«تاتە، مەن 200 بەن ءجۇرىپ تە ولارعا جەتە المادىم» دەدى ەركىننىڭ بولەسى ماقسات. نابيلەردىڭ ماشيناسى جولدان ءبىرشاما ارىدە تاس-تالقانى شىعىپ جاتىر. ونى كورگەندە-اق مەن ءبارىن ءبىلدىم. ويتكەنى ماشينا سونشاما جوعارىعا ۇشىپ، ءنابي وتىرعان جاعىمەن قۇلاعان. ونىڭ ۇستىنە ول شىرت ۇيقىدا جاتقان. قورعاعىش بەلبەۋدى تاقپاعان. تەرەزەسى اشىق. ارعى جاعىن ءوزىڭىز ويلاي بەرىڭىز. بىردەن سول جاققا قاراي جۇگىرىپ ەم، ماقسات ۇستاپ الدى دا جىبەرمەدى. ونىڭ ۇستىنە ماي قىزمەتكەرلەرى قورشاپ الىپ، ەشكىمدى وتكىزبەدى. ون مينۋت شاماسىندا «جەدەل جاردەم» كەلىپ، الىپ كەتتى»، - دەپ قايعىلى وقيعانى ەسىنە العان جازيرا ايمۇراتوۆا.
رۋسلان بولەباي
از ۋاقىت ىشىندە جاعىمدى داۋىس، سىمباتتى كەلبەتىمەن كورەرمەن كوزايىمىنا اينالعان تەلەجۇرگىزۋشى رۋسلان بولەباي دا جول اپاتىنان قازا تاپقان. تەلەجۇرگىزۋشى ۇلتتىق ارناداعى «تاڭشولپان» باعدارلاماسى ارقىلى كوپشىلىككە تانىلعان.
ول 1985-جىلى قىزىلوردا وبلىسى شيەلى كەنتىندە دۇنيەگە كەلگەن.
ەلگە تانىلىپ ۇلگەرگەن جۋرناليست 2009-جىلى 16- شىلدەدە 24 جاسىندا جول اپاتىنان قازا تاپقان.
Stan.kz باسىلىمى رۋسلاننىڭ تەلەۆيزيا سالاسىنداعى قۇربىسى تاتيانا پريلەپينانىڭ ول تۋرالى ەستەلىكتەرىن جاريالاعان.
«رۋسلان ومىردەن وزارىنان 2-3 كۇن بۇرىن كوكتوبەگە شىعايىق دەگەن. كوكتوبەگە شىعىپ، رۋسلان «كەيىن مەن سەندەرگە الماتىنىڭ توبەسىنەن قاراپ تۇرامىن» دەگەنى بار»، - دەيدى ول ەستەلىگىندە.
دەنيس تەن
قازاقستاندىق مانەرلەپ سىرعاناۋشى دەنيس تەن 1993-جىلى 13- ماۋسىمدا الماتى قالاسىندا دۇنيەگە كەلگەن. 2014-جىلى مانەرلەپ سىرعاناۋدان سوچي وليمپياداسىندا 255,10 ۇپايمەن قولا مەدالعا يە بولعان.
ول 2018-جىلى الماتى قالاسىندا ۇرىلاردىڭ قولىنان قازا بولعان. سپورتشى كولىگىنىڭ ايناسىن ۇرلاپ بارا جاتقان ەكى ادامنىڭ ۇستىنەن تۇسكەن. ارادا باستالعان جانجال بارىسىندا ۇرىلار دەنيس تەندى پىشاقتاپ كەتكەن. وسىلايشا، سپورتشى 25 جاسىندا ومىردەن وزدى.
داۋلەت بەيسەنبەك
بىلتىر تانىمال فوتوگراف ءارى بلوگەر داۋلەت بەيسەنبەك جول اپاتىنان قازا تاپقان ەدى. ول نەبارى 28 جاستا ەدى. ارتىندا ءۇش بالاسى قالدى.
داۋلەت بەيسەنبەك مىنگەن كولىك تاراز-الماتى تاسجولىندا اپاتقا ۇشىراعان.
«ول تارازعا تاپسىرىس الىپ، توي ءتۇسىرۋ ءۇشىن بارعان ەدى. قايتارىندا تاكسيگە وتىرعان. ول وتىرعان كولىكتىڭ جۇرگىزۋشىسى تىزگىنگە يە بولا الماي، جول بەتىنەن ۇشىپ كەتكەن»، - دەگەن ەدى بلوگەردىڭ دوسى.
قاسىم جۇماعوجين
2018-جىلى Nomad Stunts كومانداسىنىڭ وكىلى قازاقستاندىق تانىمال كاسكادەر قاسىم جۇماعوجين قايتىس بولعان ەدى. سول كەزدە جەلىدە كاسكادەرلاردىڭ ءبىرىنىڭ قايتىس بولعانى كورىنەتىن ۆيدەو تاراعان بولاتىن. بەس جىل بۇرىن 3- قاراشادا قاسىم جۇماعوجين ارىپتەستەرىمەن بىرگە بارلاردىڭ بىرىندە شوۋ-باعدارلاماعا قاتىسقان. سەناري بويىنشا ول اسىلىپ تۇرعان مۋميانى سومداعان. بۇل تۋرالى Nomad Stunts توبىنىڭ كوممۋنيكاتسيالار جونىندەگى مەنەدجەرى ەۆگەنيا لي ايتقان ەدى. الايدا كەيىنىرەك مارقۇمنىڭ جارى مالىمدەمە جاساپ، حالىقتى الىپقاشپا اڭگىمە تاراتپاۋعا شاقىرعان ەدى.
ول نەبارى 34 جاسىندا ومىردەن وتكەن.
مۇرات بىرماعامبەتوۆ
بىلتىر اقتوبەلىك تانىمال بلوگەر، ۆاينەر جانە ك ۆ ن- ءشى قايتىس بولدى. مۇرات بىرماعامبەتوۆ مارس وتكاتوۆيچ جانە مۋرا ماريارچي لاقاپ اتتارىمەن تانىمال. ول 19- قاراشادا حابارسىز كەتكەن. كەيىن ونىڭ قايتىس بولعانى انىقتالدى.
جەلىدە ونىڭ ايەلىنە جولداعان سوڭعى حاتى پايدا بولدى. بۇل تۋرالى ztb_kz Instagram-پاراقشاسىندا جاريالاندى.
«قىزدارىما جاقسى اكە، ساعان جاقسى كۇيەۋ بولا الماعانىما كەشىر. 25 جىل بۇرىن بۇل جامان اۋرۋ - ويىنقۇمارلىققا تاپ بولدىم. ءومىرىمنىڭ سوڭىنا دەيىن مەن ەكى جاقتى ءومىر ءسۇردىم. بۇل - مەن ءۇشىن توزاق. مۇنى تاستاۋعا مىڭ رەت تىرىستىم، قولىمنان كەلمەدى. سونداي قورقىنىشتى. ساعان، قىزدارىما، اناما، ماعان سەنگەن ادامدارعا وپاسىزدىق جاسادىم. بۇل ويمەن قالاي ءومىر سۇرەمىن؟ كەشىرە الساڭ كەشىر. سەنىڭ باقىتتى بولعانىڭدى قالايمىن، سوندىقتان بۇل ومىردەن كەتەمىن»، - دەلىنگەن حاتتا.
Darkhan Juzz
Darkhan Juzz (دارحان جۇنىسبەكوۆ) 1991-جىلى 9- تامىزدا الماتىدا دۇنيەگە كەلگەن. ول رەپ ورىنداۋشىسى، ءان اۆتورى جانە دىبىستىق پروديۋسەر ەدى. ونىڭ جۇمىسى كلاسسيكالىق تراپتى، اكۋستيكالىق گيتارانى جانە سەزىمتال ليريكانى بىرىكتىردى.
قازاقستاندىق تانىمال مۋزىكانت Darkhan Juzz- ءدىڭ قازاسى تىڭدارماندارى مەن كوپشىلىكتى ەسەڭگىرەتىپ تاستادى. ول سۇحباتتارىندا اكەسىنىڭ ءان ايتىپ، گيتارادا ويناعانىن ايتادى. ال اناسى مۋزىكادان الشاقتاۋ، سىرلاۋشى بولىپ جۇمىس ىستەگەن، ءبىراق قازاقشاسى باي بولعان. دارحان اندەرىنە ءماتىن جازعاندا ۇيقاستىرۋدى ءدال اناسىنان ۇيرەنگەنىن ايتقان.
سىرتقى ىستەر مينيسترلىگى وكىلدەرى ءانشى دارحان جۇنىسبەكوۆتىڭ ولىمىنە قاتىستى پىكىر بىلدىرگەن ەدى.
«تايلاند پوليتسياسىنىڭ اقپاراتى بويىنشا، 24- اقپاندا پحۋكەت ارالىندا قازاقستان ازاماتى دارحان جۇنىسبەكوۆ قايتىس بولدى. ول جالعا العان موپەدىمەن جول اپاتىنا تۇسكەن. كونسۋل مارقۇمنىڭ تۋىستارىمەن بايلانىستا، قازاقستانعا ءمايىتتى جىبەرۋ ءۇشىن قاجەتتى قۇجاتتاردى رەسىمدەۋ بويىنشا جۇمىس جۇرگىزىلىپ جاتىر»، - دەدى س ءى م رەسمي وكىلى ايبەك سمادياروۆ.
ونىڭ دەنەسى تايلاندتان بۇگىن ەلگە اكەلىنەدى.
«ءبىز وتانداسىمىزدىڭ تۋىستارىمەن جانە پروديۋسەرىمەن بايلانىستامىز. ونىڭ دەنەسى الماتىعا ەرتەڭ اكەلىنەدى. Air Astana اۋەكومپانياسى جەتكىزۋ شىعىنىن ءوز موينىنا الدى. جەرلەۋ قىزمەتىن ءانشىنىڭ دوستارى تولەيتىن بولدى»، - دەيدى س ءى م وكىلى ايبەك سمادياروۆ.
