رەسەيگە سالىنعان سانكسيالاردىڭ «سالقىنى» ەلىمىزگە تيە مە
بۇل تۋرالى ۆاشينگتونداعى قازاقستان ەلشىسى ەرجان اشىقبايەۆ ايتتى. جالپى ەلىمىز تەرىسكەيدەگى كورشىمىزگە سالىنعان سانكسيانىڭ اسەرىن ازايتۋ ءۇشىن ا ق ش- پەن بىرنەشە مارتە كەڭەس وتكىزدى.
رەسەي مەن ۋكراينا اراسىنداعى شيەلەنىستەن سوڭ باتىس ەلدەرى ماسكەۋگە سانكسيا كۇشەيتتى. سونىڭ ىشىندە ا ق ش- تىڭ رەسەيگە باعىتتالعان سانكسيالىق قىسىمى ايتارلىقتاي اسەرىن تيگىزىپ وتىر. ال ونىڭ قازاقستانعا اسەرى قانداي؟
ا ق ش- تاعى توتەنشە جانە وكىلەتتى ەلشى ەرجان اشىقبايەۆتىڭ ايتۋىنشا ەلىمىز جاناما سانكسيالار بولدىرماۋ ءۇشىن الدەن ارەكەت ەتىپ، امەريكالىق تاراپپان تىعىز جۇمىس ىستەپ جاتىر. ويتكەنى قازاقستان مەن رەسەيمەن اراسىنداعى تىعىز ساۋدا ەكونوميكالىق بايلانىستارعا نەگىزدەلسەك، تەرىسكەيدەگى ۇلكەن كورشىگە جاسالعان حالىقارالىق سانكسيالار قازاقستانعا تىكەلەي اسەر ەتەدى.
ەرجان اشىقبايەۆ، ق ر ا ق ش توتەنشە جانە وكىلەتتى ەلشىسى:
- سانكسيالىق ماسەلە الدىڭعى قاتارعا كەلگەن تۇستان باستاپ ءبىز امەريكالىق ارىپتەستەرىمىزگە بىردەن ساياسي ۇستانىمىمىزدى نىق، انىق تۇردە جەتكىزدىك. جالپى امەريكاندىق ارىپتەستىردىڭ ايتۋىنشا قازاقستان ۇكىمەتىنىڭ وسى سانكسيالىق ماسەلەلەرگە قاتىستى ايقىن جانە وتە بەلسەندى ۇستانىمىنىڭ ارقاسىندا ءبىز كوپتەگەن ماسەلەلەردىڭ بەتىن اشىپ قانا قويماي ءساتتى تۇردە شەشىپ كەلەمىز.
ارينە قازاقستان الەمدىك ەكونوميكانىڭ ءبىر بولىگى جانە حالىقارالىق جۇيەنىڭ جاۋاپتى مۇشەسى بولعاندىقتان، ا ق ش- تىڭ سانكسيالىق رەجيمىنىڭ تالاپتارىن ساقتاۋعا بەيىل ەكەنىن بۇرىننان ءبىلدىرىپ كەلەدى. سوندىقتان، ەلشى ەرجان اشىقبايەۆتىڭ ايتۋىنشا ءبىزدىڭ مەملەكەت ارقىلى سانكسيالاردان اينالىپ وتۋگە جول بەرمەۋ اسا ماڭىزدى. وسى باعىتتاعى قازاقستاننىڭ ۇستانىمى ۇلتتىق ەكونوميكانى قايتالاما سانكسيالاردان ساقتاۋدىڭ باستى جولى بولىپ وتىر. ارينە ەشكىمدى رەنجىتىپ المايتىنداي فورماتتا جۇمىس ىستەپ جاتىرمىز. سونىڭ ىشىندە پراكتيكالىق تۇرعىدا ءبىراز ماسەلە شەشىلدى. ماسەلەن، ازاماتتارىمىزدىڭ قۇقىن قورعاۋ ماقساتىندى كەزىندەگى الفا بانك ب س ك- نىڭ قۇرامداس بولىگى بولىپ كەتتى. ال سبەربانك قازىر بەرەكە- بانك بولىپ جۇمىسىن جالعاستىرۋدا. ونىڭ سانكسيالىق تىزىمنەن شىعۋىنا دا ۆاشينگتونداعى ەلشىلىك اتسالىسپاقشى. ءتيىستى شەشىم الداعى ناۋرىزدا شىعىپ قالۋى مۇمكىن دەيدى ەرجان اشىقبايەۆ.
www.24.kz
