كاليفورنيادا قارلى بوراننان جۇزدەگەن مىڭ ءۇي جارىقسىز قالدى
قولايسىز كۇن رايى سالدارىنان 120 مىڭنان استام ادام بىرنەشە كۇن بويى ەلەكتر قۋاتىنان قول ءۇزىپ قالدى. شتاتتىڭ باتىس جاعالاۋىنداعى نەگىزگى سولتۇستىك- وڭتۇستىك تاسجولدىڭ «ءجۇزىم ساباعى» دەپ اتالاتىن تاۋلى ايماقتاعى ۋچاسكەسى جابىلدى.
وسى اپتادا باسىلۋى ءتيىس بولعان داۋىل - كاليفورنياداعى ەڭ كۇشتى داۋىلداردىڭ ءبىرى. تولاسسىز سوققان جەل اعاشتاردى قۇلاتىپ، ەلەكتر جەلىلەرىن زاقىمدادى.
جەرگىلىكتى بيلىكتىڭ حابارلاۋىنشا، سەنبى كۇنى لوس- اندجەلەس وكرۋگىندە نايزاعاي جارقىلداۋىنا بايلانىستى بارلىق جاعاجايلار بىرنەشە ساعاتقا جابىلعان.
ۇلتتىق مەتەورولوگيالىق قىزمەتى كاليفورنيانىڭ وڭتۇستىگىندە قاتتى جاڭبىر مەن نايزاعاي، سونداي- اق سولتۇستىك تاۋارالىق ايماق پەن سولتۇستىك كاليفورنيادا قار جاۋۋى مۇمكىن دەپ بولجادى.
شتات استاناسى ساكرامەنتو تۇرعىندارىنا جەكسەنبىدەن سارسەنبىگە دەيىن ساياحاتتاۋدان باس تارتۋ تۋرالى ەسكەرتىلدى.
داۋىلدان قازا تاپقاندار مەن زارداپ شەككەندەر تۋرالى ازىرگە اقپارات تۇسپەگەن.
