قازاقستاندا حالىقتىڭ تابىسىن ارتتىرۋ باعدارلاماسى كەڭەيتىلەدى

بۇل تۋرالى قازاقپارات ۇكىمەتتىڭ رەسمي سايتىنا سىلتەمە جاساپ حابارلايدى.

ۇلتتىق ەكونوميكا ءمينيسترى الىبەك قۋانتىروۆ باعدارلامانى ىسكە اسىرۋ ناتيجەسىندە بيۋدجەت سالاسىنىڭ 1,1 ميلليوننان استام قىزمەتكەرىنىڭ، اتاپ ايتقاندا 74 مىڭ دارىگەردىڭ جالاقىسى ورتا ەسەپپەن%30 عا، 600 مىڭ پەداگوگ پەن ءمۇعالىمنىڭ - %25- عا، 173 مىڭ ورتا مەديتسينالىق پەرسونالدىڭ جالاقىسى %20 عا جانە بيۋدجەتتىك ۇيىمدار قىزمەتكەرلەرىنىڭ ىشىندە باسقا دا ساناتتارىنىڭ جالاقىسى %20 عا وسكەنىن حابارلادى. جۇمىسپەن قامتۋدى قامتاماسىز ەتۋ جانە قىزمەتكەرلەر اراسىنداعى ەڭبەكاقى الشاقتىعىن ازايتۋ بويىنشا قوسىمشا شارالار قابىلداندى.

سونىمەن قاتار بۇگىنگى تاڭدا باعدارلامانى 2029 -جىلعا دەيىن وزەكتەندىرۋ شارالارى پىسىقتالدى. بۇل رەتتە ونى رەسپۋبليكالىق جانە وڭىرلىك دەڭگەيلەرگە ءبولۋ جوسپارلانىپ وتىر، بۇل جەرگىلىكتى اتقارۋشى ورگانداردى كەڭىنەن تارتۋعا مۇمكىندىك بەرەدى.

الداعى كەزەڭدەگى نەگىزگى باعىتتاردىڭ ءبىرى وڭىرلىك جۇمىسپەن قامتۋ كارتاسى شەڭبەرىندە ەكونوميكانىڭ ناقتى سەكتورىندا جۇمىس ورىندارىن قۇرۋ، «اۋىل اماناتى» جوباسى اياسىندا اۋىل حالقىنىڭ تابىسىن ارتتىرۋ، سونداي- اق شاعىن جانە ورتا بيزنەسكە مەملەكەتتىك قولداۋ كورسەتۋ بولىپ تابىلادى.

سونىمەن قاتار بيۋدجەتتەن جالاقىنى كوتەرۋ جانە ازاماتتارعا جاڭا سيفرلىق قىزمەتتەر ارقىلى بەلسەندى الەۋمەتتىك قولداۋدىڭ شارالارىمەن قامتاماسىز ەتۋ بويىنشا جۇمىستى جالعاستىرۋ جوسپارلانۋدا.

پرەمەر- مينيستر ەكى كۇن ىشىندە حالىقتىڭ تابىسىن ارتتىرۋدىڭ وڭىرلىك جوسپارلارىن بەكىتۋدى قامتاماسىز ەتىپ، باعدارلامانى ۇكىمەتكە كەشەندى جوسپار تۇرىندە جەدەلدەتىپ كەلىسۋ جانە ەنگىزۋ قاجەتتىگىن اتاپ ءوتتى.

جيىندا سونداي- اق ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا، اۋىل شارۋاشىلىعى ۆيتسە- ءمينيسترى ءابىلقايىر تامابەك جانە اقتوبە وبلىسىنىڭ اكىمى ەرالى توعجانوۆ بايانداما جاسادى.