الاياقتار پايىزسىز كرەديت ۇسىنۋ ارقىلى الداۋعا كوشكەن
سونداي-اق، قازاقستاندا كرەديتتەردى قارجى نارىعىن رەتتەۋ جانە دامىتۋ اگەنتتىگىنىڭ ليتسەنزياسى بار كرەديتتىك ۇيىمداردىڭ عانا بەرە الاتىنىن ەسكە سالادى، دەپ حابارلايدى قازاقپارات.
Telegram-داعى الاياقتىقتىڭ سحەماسى
تەلەگرام ارناسىنداعى جالعان كومپانيالاردىڭ ءبىرى قولداناتىن الداۋ سحەماسىنا مىسال كەلتىرەيىك. ول جەكە ينۆەستورلار بەرەتىن «پايىزسىز» كرەديتتەر تۋرالى جارنامانى ورنالاستىرادى، سونداي-اق 10 ميلليون تەڭگەگە دەيىنگى قارىزدىڭ 10 جىل مەرزىمگە بەرىلەتىنىن اتاپ كورسەتەدى. بۇل رەتتە، ولاردىڭ اقپاراتىنا سايكەس، ءتىپتى ول ادامنىڭ رەسمي جۇمىسى بولمايتىن جاعدايدىڭ وزىندە كرەديت 18 جاستان اسقان بارلىق ادامعا بەرىلەدى. ءتىپتى، الاياقتار ولاردىڭ كومپانياسىنىڭ قىزمەتتەرىن پايدالانۋدىڭ ءقاۋىپسىز ەكەندىگىنە دە كەپىلدىك بەرەدى.
پايدالانۋشى ارناعا قوسىلعان ۋاقىتتا الاياقتار وزدەرىنىڭ بازاسىنا ونىڭ ءپروفيلىنىڭ دەرەكتەرىن اۆتوماتتى تۇردە ەنگىزەدى جانە ءوزىنىڭ بولاشاق قۇربانىمەن ەندى Telegram ارقىلى نە WhatsApp جەلىسىنىڭ كومەگىمەن حات- حابار الماسۋدى جالعاستىرادى، مۇندا جويىلىپ كەتەتىن حابارلار رەجيمى بولادى. سونداي-اق، جالعان نومىرلەر مەن مەملەكەتتىك تىركەۋ تۋرالى جالعان كۋالىكتەر قولدانىلادى.
ادامدى «بارلىق جاعىنان ءتيىمدى» كرەديت الۋعا كوندىرگەننەن كەيىن، قاسكۇنەمدەر وعان ءوتىنىمدى تولتىرۋ قاجەت سايتقا سىلتەمە جىبەرەدى، سونداي- اق «ريزا بولعان كليەنتتەر» مەن «ناقتى ادامداردىڭ» پىكىرلەرىن- مىس ولاردىڭ تەلەگرامم- ارناسىندا قاراۋدى ۇسىنادى. نەعۇرلىم سەنىمدىرەك بولۋ ءۇشىن الاياقتار وزدەرىنىڭ Telegram پاراقشاسىندا قارىز الۋشىنىڭ جەكە كۋالىگىن كورسەتە وتىرىپ، قارىزدى رەسىمدەۋ پروتسەسىنە بەينەجازبا ورنالاستىرادى.
سودان كەيىن الاياقتار قۇربانىنا ءوتىنىم ماقۇلدانعانىن جانە كولەمى 30000 تەڭگەدەن باستالاتىن كرەديتتى رەسىمدەۋ ءۇشىن كوميسسيا تولەۋ قاجەت ەكەنىن حابارلايدى. كرەديتتى راسىمدەۋ ءراسىمىن اياقتاۋ ءۇشىن قارىز الۋشى قوسىمشا تىركەۋدەن ءوتىپ، تاعى بىرنەشە قىزمەت ءۇشىن اقى تولەۋى كەرەك: اقشانى اۆتوماتتى تۇردە اۋدارۋ، شوتتى ىسكە قوسۋ، بانك ۇياشىعىن جالعا الۋ.
سونىمەن قاتار، الاياقتار ولاردى انىقتاۋ مۇمكىندىگى بولماۋى ءۇشىن ءۇشىنشى تۇلعانىڭ كارتاسىنا اۋدارۋدى سۇرايدى. قۇربان بولعان ادام بارلىق تولەمدەردى جاساعاننان كەيىن، قاسكۇنەمدەر «اقشا اۋدارۋعا» ۋاقىت سۇرايدى. ءبىراق، الدانعان قارىز الۋشىمەن بولاشاقتا ءوزارا ارەكەتتەسۋ تولىعىمەن توقتاتىلادى.
ماڭىزدى! ەگەر ءسىز وسىنداي الاياقتىق سحەمالاردىڭ قاتىسۋشىسى بولساڭىز جانە قاسكۇنەمدەردىڭ ارەكەتىنەن زارداپ شەككەن بولساڭىز، وندا ءسىز دەرەۋ تۇرعىلىقتى جەرىڭىزدەگى پوليتسيا بولىمشەسىنە جانە بانككە ءوز شوتتارىڭىز بەن كارتوچكالارىڭىزدى بۇعاتتاۋ ءۇشىن حابارلاسۋىڭىز كەرەك!
كرەديتتىك الاياقتاردان قورعانۋ قاعيدالارى
ەسىڭىزدە بولسىن! بانكتەر مەن ميكروقارجى ۇيىمدارى ءۇشىنشى تۇلعالار مەن دەلدالداردان بانكتىك قارىزدار/ميكروكرەديتتەر بەرۋگە وتىنىمدەر قابىلدامايدى. كرەديتكە ءوتىنىمدى تەك قارىز الۋشىنىڭ ءوزى بەرەدى!
WhatsApp, Telegram, Viber جانە باسقا دا مەسسەندجەرلەر ارقىلى بوگدە ادامدارعا ءوزىڭىز جانە كارتاڭىز تۋرالى اقپاراتتى، پارولدەردى، لوگيندەردى، كودتار مەن باسقا دا جەكە دەرەكتەرىڭىزدى بەرمەڭىز.
فيشينگتىك سىلتەمەلەرگە كىرمەڭىز جانە ءسىزدىڭ قۇرىلعىڭىزعا قاشىقتان كىرۋگە مۇمكىندىك بەرەتىن قوسىمشالاردى (AnyDesk, TeamViewer) جازىپ الماڭىز.
قارجى نارىعىندا قىزمەتتى جۇزەگە اسىرۋعا رۇقسات بەرەتىن قۇجاتتارى جوق تۇلعالاردان قارىز قاراجاتىن الۋعا تىرىسپاڭىز. كرەديت بەرۋشىنىڭ تىركەۋ دەرەكتەرىن، رۇقسات بەرەتىن قۇجاتتارىنىڭ بولۋىن تەكسەرىڭىز.
ماڭىزدى! كرەديتوردىڭ قازاقستاندىق قارجى نارىعىندا زاڭدى تۇردە جۇمىس ىستەيتىنىن نەمەسە جۇمىس ىستەمەيتىنىن رەتتەۋشىنىڭ www.gov.kz ينتەرنەت-رەسۋرسىندا «قارجى نارىقتارى» بولىمىندە تەكسەرۋگە نە «Fingramota Online» موبيلدى قوسىمشاسى نەمەسە «1459» ءنومىرى بويىنشا Call-ورتالىققا قوڭىراۋ شالۋ ارقىلى اگەنتتىككە جۇگىنۋگە بولادى.
