مينيسترلىك تۇركيادا داۋىس بەرەتىن قازاقستان ازاماتتارىن كونسۋلدىق تىركەۋگە تۇرۋعا شاقىردى
«تۇركيادا جۇرگەن ەلىمىز ازاماتتارىنىڭ سانى بويىنشا ناقتى ايتا المايمىز. بۇل ەلدە جەر سىلكىنگەننەن كەيىن، كوپ ادام كەتۋى مۇمكىن. تۇركيا مەن قازاقستاننىڭ نەگىزگى اۋەجايلارى مەن اۋە كومپانيالارى جۇمىس ىستەپ تۇر، ولار كەز كەلگەن ەلگە ساپارلاي الادى. سوندىقتان بىزدە تۇركيادا جۇرگەن قازاقستان ازاماتتارىنىڭ سانى بويىنشا ناقتى ستاتيستيكا جوق. وسى ورايدا قايتادان كونسۋلدىق تىركەۋگە تۇرۋعا شاقىرامىز»، - دەدى رەسمي وكىل ۆەدومستۆودا وتكەن اپتالىق بريفينگى بارىسىندا.
ونىڭ ايتۋىنشا، ناۋرىز ايىندا دەپۋتاتتاردى سايلاۋ كەزىندە داۋىس بەرۋى ءۇشىن شەتەلدەگى ازاماتتار ءتيىستى تىزىمگە قوسىلۋى كەرەك.
«بۇل ۋچاسكەلەر شەتەلدە ورنالاسقاندىقتان، ءبىز ول جاققا بيۋللەتەندەردىڭ شەكتەۋلى سانىن جىبەرەمىز. ءبىز ولاردى مىڭداپ جىبەرە المايمىز. وسىنىڭ الدىنداعى سايلاۋ كەزىندە ۋاقىتىلى تىركەلمەگەن تۋريستەر كەلىپ، داۋىس بەرۋگە رۇقسات ەتىلمەگەنىنە نارازىلىق ءبىلدىرىپ جاتتى»، - دەدى ا. سمادياروۆ.
وسى ورايدا ول تۇركيادا داۋىس بەرگىسى كەلەتىن قازاقستان ازاماتتارىن كونسۋلدىق تىركەۋگە تۇرۋعا شاقىردى.
بۇدان بۇرىن حابارلانعانداي، بيىل ناۋرىز ايىندا وتەتىن سايلاۋعا قاتىستى شەتەلدە 77 داۋىس بەرۋ ۋچاسكەسى اشىلادى.
