ق ر سىرتقى ىستەر مينيسترلىگى شەنگەن ۆيزاسىنا قاتىستى تۇسىنىك بەردى
«قازاقستاننىڭ قانداي دا ءبىر تىزىمگە ەنگىزىلگەنى تۋرالى ماسەلەگە كەلەتىن بولساق، ءبىز ەۋروپا جاعىنان رەسمي حابارلاما العان جوقپىز. الايدا، جۇمىس تارتىبىندە تالقىلاۋ كەزىندە بىزگە ءتيىستى مالىمەت كەلىپ ءتۇستى، ياعني 1- ناۋرىزدان باستاپ قازاقستان شەنگەن ۆيزاسىن بەرۋ كەزىندە بۇدان بىلاي ازاماتتارعا قوسىمشا كونسۋلتاتسيالار تالاپ ەتىلەتىن ەلدەردىڭ تىزبەسىندە بولادى. بۇل تۇرعىدا ادەتتەگى جۇمىس پروتسەسى ەسكەرىلگەن. ءبىزدىڭ ويىمىزشا، مۇنداي قادام شەنگەن كەلىسىمىنە مۇشە ءبىر ەلدىڭ سۇرانىسى بويىنشا ىسكە اسىرىلىپ وتىر. ويتكەنى، ەۋروپا وداعىنىڭ ەرەجەلەرىنە سايكەس، ەو مەن شەنگەن ايماعىنىڭ ەلدەرى ۆيزا الۋعا ءوتىنىش بەرگەن ءۇشىنشى ەلدەردىڭ ازاماتتارىنا قاتىستى قوسىمشا كونسۋلتاتسيالار باستاۋعا قۇقىعى بار»، - دەدى رەسمي وكىل ۆەدومستۆودا وتكەن اپتالىق بريفينگى بارىسىندا.
ونىڭ ايتۋىنشا، مۇنداي كونسۋلتاتسيالار جەتى كۇنگە سوزىلۋى مۇمكىن. بۇل رەتتە ۆيزالىق ساۋالنامالاردى جالپى قاراۋدىڭ ستاندارتتى مەرزىمى بۇرىنعىداي قالادى - 15 كۇنگە دەيىن.
«ياعني ءىس جۇزىندە ءبىزدىڭ ازاماتتارىمىز ءۇشىن ۆيزالاردى قاراۋ راسىمىندە قانداي دا ءبىر وزگەرىستەر بولمايدى»، - دەدى ا. سمادياروۆ.
