سايلاۋ: ت م د بايقاۋشىلار ميسسياسى جۇمىسىنا كىرىستى

بۇل تۋرالى ت م د باس حاتشىسىنىڭ ءبىرىنشى ورىنباسارى لەونيد انفيموۆ ايتتى، دەپ حابارلايدى قازاقپارات ءتىلشىسى.

«قازىر عانا ورتالىق سايلاۋ كوميسسياسىنىڭ ءتوراعاسى نۇرلان ابدىروۆپەن سويلەستىم. بىزگە سايلاۋ ناۋقانى بارىسى جايىندا جان-جاقتى اقپارات بەرىلدى. بۇل ءبىزدىڭ قازاقستانداعى پارلامەنتتىك جانە پرەزيدەنتتىك سايلاۋلاردى بايقاۋشىلاردىڭ 17-ءشى، ال جالپى ت م د كەڭىستىگىندەگى 120-ميسسياسى ەكەندىگىن اتاپ وتكىم كەلەدى»، - دەدى ول و س ك- دە وتكەن بريفينگ بارىسىندا.

ونىڭ اتاپ وتۋىنشە، ميسسيا قۇرامىنا ت م د مەملەكەتتەرى وكىلدەرىنەن بولەك، ت م د- داعى قاتىسۋشى مەملەكەتتەردىڭ پارلامەنتارالىق اسسامبلەياسىنىڭ، ۇ ق ش ۇ پارلامەنتتىك اسسامبلەياسىنىڭ، بەلارۋس پەن رەسەي پارلامەنتتىك اسسامبلەياسىنىڭ، ت م د اتقارۋشى كوميتەتىنىڭ بايقاۋشىلارى كىرەدى.

«ت م د- دان بايقاۋشىلار ميسسياسى مۇشەلەرىنىڭ جالپى سانى شامامەن 200 ادامدى قۇرايدى دەپ بولجانادى. بۇگىننەن باستاپ ت م د بايقاۋشىلار ميسسياسى استانادا جۇمىسىن باستايدى»، - دەدى لەونيد انفيموۆ.

ت م د وكىلىنىڭ ايتۋىنشا، ميسسيا جۇمىسى بارىسىندا ساياسي پارتيالاردىڭ سايلاۋالدى شتابتارىمەن، دەپۋتاتتىققا كانديداتتارمەن بىرنەشە كەزدەسۋ وتكىزىپ، بارلىق دەڭگەيدەگى سايلاۋ ۋچاسكەسىنىڭ جۇمىسىمەن تانىسۋى جوسپارلانعان.

«بايقاۋشىلاردىڭ نەگىزگى توبى داۋىس بەرۋگە 2-3 كۇن قالعاندا، ياعني 16-17- ناۋرىزدا استاناعا كەلەدى دەپ كۇتىلەدى. جالپى ءبىز تەك استانادا عانا ەمەس، سونىمەن بىرگە ەلدىڭ وزگە دە وڭىرلەرىندە داۋىس بەرۋ پروتسەسىن بايقايتىن بولامىز»، - دەدى ول.