تاكسي قىزمەتىنە قاتىستى تۇزەتۋلەر كولەڭكەلى نارىقتى ۇلعايتادى - قاۋىمداستىق
بۇل تۋرالى قازاقپارات «اتامەكەن» ۇ ك پ سىلتەمە جاساپ حابارلايدى.
جاڭا تۇزەتۋلەرگە سايكەس تاكسي قىزمەتىن ينتەرنەت- پلاتفورمانى پايدالانا وتىرىپ جۇزەگە اسىراتىن جەكە تۇلعالاردى تاسىمالداۋشى دەپ تانىعان جاعدايدا تاكسيدىڭ كولەڭكەلى نارىعى ۇلعايىپ كەتپەك.
قازىرگى كەزدە وسى قىزمەتتەردى «اۆتوموبيل كولىگى تۋرالى» زاڭدى بۇزا وتىرىپ، جەكە تۇلعالار ينتەرنەت- پلاتفورمالاردى پايدالانا وتىرىپ كورسەتىپ جاتىر.
«وسى تۇزەتۋلەرگە قاتىستى ءبىرقاتار سۇراق بار. مىسالى، BUS LANE كومپانياسى - كەز- كەلگەن جەكە تۇلعا تاكسي قىزمەتىمەن اينالىسپاسا دا حابارلاما ارقىلى اۆتوبۋس جولاعىمەن جۇرە الادى. ينتەرنەت- پلاتفورمالار جۇرگىزۋشىلەر - جەكە تۇلعالارعا جولاۋشىلاردان الىناتىن تولەمدەردى قولما- قول اقشاسىز تولەۋدى قالاي جۇزەگە اسىرادى؟ قازىر جۇرگىزۋشىلەردى ينتەرنەت- پلاتفورمالارعا تارتىپ، تىركەيتىن جانە جۇرگىزۋشىلەرگە تولەمدەردى ءوز كوميسسياسىن ۇستاپ، جۇزەگە اسىراتىن تاكسوپاركتەر بار. بۇل تاكسوپاركتەر ماشينالاردى تەحنيكالىق بايقاۋدان وتكىزۋ جانە جۇرگىزۋشىلەردى مەديتسينالىق تەكسەرۋ بويىنشا قاراپايىم قاۋىپسىزدىك تالاپتارىن ساقتامايدى»، - دەپ اتاپ ءوتتى قازاقستاننىڭ تاكسي قىزمەتتەرى رەسپۋبليكالىق قاۋىمداستىعىنىڭ ءتوراعاسى مەدەت قۇرمانوۆ.
ەسكە سالساق، وتكەن اپتا ەڭبەك مينيسترلىگىندە وتكەن جيىندا تاكسي قىزمەتىنە قاتىستى زاڭناماعا قانداي وزگەرتۋلەر ەنگىزۋ جوسپارلانىپ وتىرعانى تالقىلاندى.
جالپى قازاقستان ت م د- دا تاكسي باعاسى ەڭ قىمبات ەلدەردىڭ قاتارىندا.
