عالىمدار قايىرىمدىلىق گەنىن تاپتى

Psychological Science باسىلىمىنىڭ حابارلاۋىنشا، جۇزدەگەن ادام قاتىسقان زەرتتەۋ بارىسىندا ەرىكتىلەر ازاماتتىق بورىش، وزگەلەرگە كومەكتەسۋ، قايىرىمدىلىق شارالار تۋرالى سۇراقتارعا جاۋاپ بەردى. سودان كەيىن د ن ك-تەستى ءۇشىن ولاردىڭ سىلەكەي ۇلگىلەرى الىندى. زەرتتەۋدىڭ ناتيجەسىندە گەنەتيكتەر اعزامىزداعى وكسيتوسين جانە ۆازوپرەسسين گورموندارىنىڭ جاسۋشالاردى ءتۇرلى فورماداعى رەسەپتورلارمەن بايلانىستىراتىنىن انىقتادى. ال رەسەپتورلاردىڭ قىزمەتىنە جاۋاپتى گەندەر سول گورمونداردى باقىلاپ، رەتتەپ وتىرادى.

وسىلايشا عالىمدار ادامنىڭ وزگەلەرگە قول ۇشىن بەرۋىنە جاۋاپتى گەندى تاپتى. «ەلگەزەكتىك گەنى» بار ەرىكتىلەردىڭ جاۋابىنا قاراعاندا، ولار قۇرباندىققا بارا بىلەتىن، دونور بولۋدان قاشپايتىن، قارىزدى ۋاقىتىندا قايتاراتىن، سالىقتان جالتارمايتىن ادامدار بولىپ شىقتى. بۋففالو ۋنيۆەرسيتەتىنىڭ پسيحولوگيا كافەدراسىنىڭ دوسەنتى ميشەل پۋلەننىڭ ايتۋىنشا، بۇل زەرتتەۋدىڭ ناتيجەسىندە قايىرىمدىلىقتىڭ تۇقىم قۋالايتىنى راستالدى.