ازىق-تۇلىك باعاسى قازاقستاننىڭ ەكى قالاسىندا قاتتى وسكەن
Energyprom.kz پورتالىنىڭ مالىمەتىنشە، ءبىر ايدا ەلوردا مەن شىمكەنتتە 2,2 پايىز دەڭگەيىندەگى ەلەۋلى ءوسىم بايقالدى. سونىمەن قاتار باعانىڭ ايتارلىقتاي ءوسۋى قىزىلوردا، سولتۇستىك قازاقستان جانە اقتوبە وبلىستارىندا دا تىركەلدى.
جىلدىق كورسەتكىش بويىنشا ەڭ جوعارى ءوسىم ماڭعىستاۋ وبلىسىندا بولدى، ياعني ازىق- تۇلىك تاۋارلارى 31,5 پايىزعا قىمباتتادى. مۇنىمەن قوسا، وسى ۇشتىككە تۇركىستان وبلىسى
(پليۋس %27,4) جانە شىمكەنت قالاسى (پليۋس %27,2) كىردى.
جەمىستەر مەن كوكونىس جىلدىق ديناميكادا %21,2 عا قىمباتتادى. ءسۇت ونىمدەرىنىڭ باعاسى ءبىر ايدا 1,2 پايىزعا، ال ءبىر جىلدا 32,4 پايىزعا كوتەرىلدى.
ەت جانە ەت ونىمدەرى ءبىر ايدا 0,5 پايىزعا، جىل ىشىندە 16,9 پايىزعا قىمباتتادى.
اتاپ ايتقاندا، ۇن باعاسى ءبىر جىلدا 42,8 پايىزعا، نان - 19,2 پايىزعا، ماكارون ونىمدەرى - 42,3 پايىزعا، جارما 35,1 پايىزعا ءوستى.
