نيگەرياداعى سايلاۋ جاپپاي تارتىپسىزدىككە ۇلاستى

استانا. قازاقپارات - نيگەريادا پارلامەنت سايلاۋى كەزىندە جاپپاي تارتىپسىزدىك بولدى. زاڭ جۇزىندە سايلاۋ قورىتىندىسى سەنبى كۇنى تۇستەن كەيىن جاريالانۋ كەرەك ەدى.

ءبىراق ۇيىمداستىرۋ قاتەلىكتەرى مەن سايلاۋ ۋچاسكەلەرىنە جاسالعان شابۋىلدار سالدارىنان كەي اۋدانداردا داۋىس بەرۋ جەكسەنبى كۇنى ءبىراق باستالعان، دەپ حابارلايدى قازاقپارات Euronews اگەنتتىگىنە سىلتەمە جاساپ.

«بولىپ جاتقان وقيعانى ەسكەرسەك، سايلاۋ كوميسسياسىنىڭ بىلىكتىلىگىنە كۇمان كەلەدى. بىزگە سايلاۋعا دەيىن ءبارى رەتىمەن وتەدى، ال ناتيجەسى ەلەكتروندى تۇردە بەرىلەدى دەپ ايتقان بولاتىن»، - دەيدى ساۋداگەر ەمەكا نۆايانۆۋ.

مۇنداي بىلىققا ۇلتتىق ۆاليۋتانىڭ ديزاينىنىڭ وزگەرگەنى دە اسەر ەتتى: بۇل ينفلياتسيامەن كۇرەسۋ ءۇشىن جاسالعان امال ەدى، ءبىراق سايلاۋ كەزىندە بانكتەردەگى حاوسقا الىپ كەلدى. جاڭا اقشا سايلاۋشىلاردى ساتىپ الۋ ءۇشىن پايدالانىلادى دەگەن ايىپتاۋلار دا كەزدەسەدى.

«ءبىز داۋىس بەرگىمىز كەلەدى، بۇل ءبىزدىڭ ازاماتتىق قۇقىعىمىز. مۇندا تاڭعى 7-دەن بەرى تۇرمىز، داۋىس بەرمەي ەشقايدا كەتپەيمىز»، - دەدى يولا تۇرعىنى احمەد ياحيا.

نيگەريا سايلاۋ كوميسسياسىنىڭ باسشىسى بولىپ جاتقان وقيعا ءۇشىن كەشىرىم سۇراپ، ماسەلە شەشىلگەنىن، ال قاۋىپسىزدىك كۇشەيتىلگەنىن مالىمدەدى. دەگەنمەن سايلاۋ ناتيجەسى سارسەنبىدەن ەرتە جاريالانبايتىن ءتارىزدى.

بۇعان دەيىن نيگەريادا پرەزيدەنت جانە پارلامەنت سايلاۋى بولىپ جاتقانى حابارلانعان بولاتىن.

اۆتور

بالنۇر قوجاگەلدى