سەناتور گۇلميرا كارىموۆانىڭ ولىمىنە قاتىستى قىلمىستىق ءىس قوزعالدى

استانا. قازاقپارات – 27- قاڭتاردا قايتىس بولعان ق ر پارلامەنتى سەناتىنىڭ دەپۋتاتى گۇلميرا كارىموۆانىڭ ولىمىنە قاتىستى قىلمىستىق ءىس قوزعالدى.

بۇل فاكتىنى قازاقپارات تىلشىسىنە استانا قالاسى پوليتسيا دەپارتامەنتىنىڭ باسپا ءسوز قىزمەتى راستادى.

«اتالعان فاكتى بويىنشا قىلمىستىق كودەكستىڭ «كىسى ءولىمى» بابى بويىنشا سوتقا دەيىنگى تەرگەپ-تەكسەرۋ جۇمىسى ءجۇرىپ جاتىر. ءتيىستى ساراپتامالار تاعايىندالدى. سوتقا دەيىنگى تەرگەپ-تەكسەرۋدىڭ وزگە دە دەرەكتەرى قىلمىستىق ءىس جۇرگىزۋ كودەكسىنىڭ 201-بابىنا سايكەس جاريا ەتۋگە ​​جاتپايدى»، - دەپ ءمالىم ەتتى پوليتسيا دەپارتامەنتىنەن ءتىلشى ساۋالىنا وراي.

ەسكە سالايىق، 27- قاڭتاردا سەناتور گۇلميرا كارىموۆا كەنەتتەن قايتىس بولدى.

وعان الدىن الا «انافيلاكتيكالىق شوك» دياگنوزى قويىلعان ەدى.

دەگەنمەن كەيىن استانا قالالىق قوعامدىق دەنساۋلىق ساقتاۋ باسقارماسى 45 جاسىندا كوز جۇمعان گۇلميرا كارىموۆانىڭ ولىمىنە جۇرەك تالماسى سەبەپ بولعانىن ءمالىم ەتتى.