قازاقستان ءزىلزالاعا قانشالىقتى دايىن: ق ر پرەزيدەنتىنىڭ تەلەراديوكەشەنى دەرەكتى فيلم ازىرلەدى

استانا. قازاقپارات – كەشە قازاقستاندىق تەلەارنالاردان ق ر پرەزيدەنتىنىڭ تەلەراديوكەشەنى ازىرلەگەن «بەزوپاسنوە زاۆترا» اتتى دەرەكتى فيلمى كورسەتىلدى، دەپ حابارلايدى قازاقپارات ءتىلشىسى.

دەرەكتى فيلمدە جەر شارىندا بولىپ جاتقان جەر سىلكىنىسى اپتتارى جايىندا باياندالعان. جىل سايىن الەمدە مىڭداعان ءزىلزالا تىركەلەدى. ونىڭ ىشىندە 100 گە جۋىق جويقىن جەر سىلكىنىسىنەن ادامدار قازا تاۋىپ، تۇتاس مەگاپوليستەر جەرمەن-جەكسەن بولادى.

سونىمەن قوسا، تاياۋدا بولعان تۇركياداعى ءىرى ءزىلزالانىڭ سالدارى ءالى كۇنگە دەيىن جويىلىپ جاتىر. ءبىزدىڭ ەلىمىز دە سەيسميكالىق تۇرعىدان قاۋىپتى مەملەكەتتەر قاتارىنا ەنەدى. وسى ورايدا، بۇگىن كورەرمەنگە جول تارتاتىن تەلەتۋىندىدا قازاقستاننىڭ وسىنداي اپاتتارعا قانشالىقتى دايىن ەكەندىگى، ولاردىڭ الدىن الۋ بويىنشا اتقارىلىپ جاتقان شارالار توڭىرەگىندە باياندالادى.

«قاۋىپسىز ەرتەڭ» دەرەكتى فيلمىنىڭ كورسەتىلىم كەستەسى:

26- اقپان

ساعات 20:00 دە «Jetisu TV» تەلەارناسى؛

27- اقپان

ساعات 10:10 دا «مير» تەلەارناسى؛

ساعات 20:00 دە «حابار24» تەلەارناسى.

ايتا كەتسەك، پرەزيدەنت الماتىدا سەيسمواۋديت جۇرگىزۋ جوسپارىن ماقۇلدادى.

توتەنشە جاعدايلار ۆيتسە-ءمينيسترى يبراگيم كۇلشىمبايەۆ الماتىدا 9 بالدىق جەر سىلكىنىسى بولسا، تۇرعىن ۇيلەردىڭ %30 قيراۋى مۇمكىن ەكەندىگىن ايتقان بولاتىن.

رەسپۋبليكالىق جەدەل-قۇتقارۋ جاساعىنىڭ باسشىسى ۆلاديمير سوي الماتىلىقتارعا جەر سىلكىنىسى كەزىندەگى قاۋىپسىزدىك شارالارىن ءتۇسىندىردى.

قوسا كەتەيىك، پرەزيدەنت تەلەراديو كەشەنىنىڭ رەجيسسەرى سەرىك يبرايمنىڭ دەرەكتى فيلمى بۇكىلرەسەيلىك «بەلايا پتيتسا» فەستيۆالىنىڭ «ۇزدىك بالالار دەرەكتى فيلمى» نوميناتسياسىن الدى.

بۇعان دەيىن Jibek Joly ارناسىنان پرەزيدەنت تەلەراديوكەشەنىنىڭ «قاڭتار وقيعاسى. ءبىر جىل» دەرەكتى فيلمى كورسەتىلدى.