بۇگىن فۋتبولدان قازاقستان سۋپەركۋبوگى وتكىزىلەدى

استانا. قازاقپارات - بۇگىن فۋتبولدان قازاقستان سۋپەركۋبوگى وتكىزىلەدى، دەپ حابارلايدى قازاقپارات ءتىلشىسى.

سۋپەركۋبوك ويىنى ەلورداداعى «استانا ارەنا» ستاديونىندا ساعات 15.00 دە باستالىپ، «Qazsport» تەلەارناسىنان تىكەلەي ەفيردە كورسەتىلەدى.

اتالعان كەزدەسۋدە بىلتىر ەل چەمپيونى اتانعان ەلوردالىق «استانا» مەن قازاقستان كۋبوگىنىڭ يەگەرى بولعان شىمكەنتتىك «ورداباسى» كلۋبتارى شەبەرلىك بايقاسادى.

بيىل سۋپەركۋبوك ويىنى ءوز تاريحىندا 16-مارتە وتكىزىلمەك. قازىرگە دەيىن ول ەلىمىزدىڭ الماتى («ورتالىق») استانا («استانا ارەنا»)، قوستاناي («توبىل ارەنا») جانە تۇركىستان («تۇركىستان- ارەنا») قالالارىندا بولدى.

بۇعان دەيىن سۋپەركۋبوكقا بارلىعى التى كوماندا قول جەتكىزدى. ولاردىڭ قاتارىندا «استانا» - 5، «اقتوبە» - 3، «قايرات» پەن «توبىل» - 2، «شاحتەر»، «ورداباسى» مەن «ەلىماي» - 1 مارتەدەن ەنشىلەدى.

ەسكە سالساق، بۇدان بۇرىن «قايسار» افريكالىق فۋتبولشىمەن كەلىسىمشارتقا وتىردى.