بىلتىر ىستانبۇلدا جارىلىس جاساعان تەرروريستىڭ كوزى جويىلدى
حاليل مەندجي ىستانبۇلداعى يستيكليال كوشەسىندە تەررورلىق شابۋىلدى جوسپارلاپ، بەلسەندى قاتىسقان، دەپ حابارلايدى قازاقپارات انادولىعا سىلتەمە جاساپ.
2022-جىلعى 13- قاراشادا ىستانبۇلدىڭ تاكسيم اۋدانىندا بولعان جارىلىستان التى ادام قازا تاۋىپ، 81 ادام جاراقات العان ەدى.
تۇركيا بارلاۋ اگەنتتىكتەرىنىڭ حابارلاۋىنشا، مەندجي ەكى ادامىن - احلام الباسحير سالەح پەن ءبىلال حاساندى لاڭكەستىك ارەكەت جاساۋعا جولداعان. سوڭعىسى ءتىپتى ونىڭ كومەگىمەن شەتەلگە قاشىپ ۇلگەرگەن.
شابۋىلدان كەيىن YPG باسشىلارى حاليل مەندجيدى سيريا اۋماعىندا جاسىرىپ، قورعاۋعا تىرىستى.
MIT مالىمەتىنشە، حاليل مەندجي 2023-جىلدىڭ 22- اقپانىندا قامىستى اۋدانىندا ولتىرىلگەن.
ا ق ش پەن ەۋروپالىق وداق YPG ءبىر تارماعى سانالاتىن PKK- نى (Partiya Karkerên Kurdistan) تەرروريستىك ۇيىمداردىڭ تىزىمىنە ەنگىزدى.
انكارا وسى جاعدايدى وڭتايلى شەشۋ جولدارىن تابۋعا تىرىسقانىمەن تەرروريستىك ۇيىم 2015-جىلدىڭ شىلدەسىندە قارۋلى شابۋىلداردى قايتا باستادى.
سوڭعى جىلدارى PKK ايماقتاعى قاندى قىلمىستار ءۇشىن جاۋاپكەرشىلىكتى ءوز تارماقتارىنا ارتۋعا تىرىسىپ ءجۇر.
سيريادا PKK لاڭكەستەرى PYD جانە YPG اتاۋلارىمەن بەلگىلى. سوڭعى ەكى جىلدا وزدەرىن «سيريالىق دەموكراتيالىق كۇشتەر» دەپ اتاي باستادى.
يراندا PKK «كۇردىستاننىڭ ەركىن ءومىر پارتياسى» (PJAK) دەپ اتالادى.
