21:43, 24 - اقپان 2023 | GMT +5
قىتايدا قيراعان كومىر كارەرىندە التى ادام قازا تاپتى
بەيجىڭ. قازاقپارات - قىتايدىڭ سولتۇستىگىندە سارسەنبى كۇنى كومىر كارەرى قيراۋىنان 47 ادام ءىز-ءتۇزسىز جوعالىپ، التى ادام قازا تاپتى.
بۇل تۋرالى قازاقپاراتتىڭ مەنشىكتى ءتىلشىسى حابارلايدى.
شينحۋا اگەنتتىگىنىڭ مالىمەتىنشە، ق ح ر ىشكى موڭعوليا اۆتونوميا ولكەسى الاشان ايماعى اۋماعىندا كومىر كارەرىندە تاۋ جىنىستارىنىڭ قۇلاۋىنان قازا تاپقاندار سانى التىعا دەيىن ءوستى، تاعى 47 ادام حابار-وشارسىز كەتتى.
سوڭعى اقپارات بويىنشا، ءۇيىندى استىنان التى ادام قۇتقارىلعان.
قازىرگى ۋاقىتتا ولارعا مەديتسينالىق كومەك كورسەتىلىپ جاتىر. ولاردىڭ جاعدايى تۇراقتى.
وقيعانىڭ ءمان-جايى انىقتالىپ جاتىر، اپات ورنىندا ىزدەۋ-قۇتقارۋ جۇمىستارى جالعاسىپ جاتىر.
