تۇرىك قۇتقارۋشىلارى شەبەرلىگىن شىڭداۋ ءۇشىن قازاقستانعا وقۋعا كەلگىسى كەلەدى
«7- اقپاندا پرەزيدەنت تاپسىرماسىمەن الماتىدان باۋىرلاس تۇركيا حالقىنا كومەكتەسۋ ءۇشىن بارلىعى 33 ادام جانە اپاتتار مەديتسيناسى ورتالىعىنان 5 مامان اتتاندى. تۇركياعا بارعاننان كەيىن قازاقستاندىق قۇتقارۋشىلار گازيانتەپ قالاسىندا جۇمىس ىستەدى. الماتىلىقتار تۇرىك كوورديناتورلارىنان ەڭ اۋىر نىساندى كورسەتۋدى وتىنگەن. ول جەرگە 10 ادام جىبەرىلدى. تولىعىمەن قيراعان ءۇش قاباتتى عيمارات بولدى. ءبىز وعان كوزبەن شولۋ جاسادىق، وعان جاقىن تۇرعان ءۇيدىڭ دە قيراۋ ءقاۋپى بولدى. تەكسەرۋ كەزىندە ولار ءبىر ايەلدى تاپتى، ونى شىعارۋ ءۇشىن ءتۇنى بويى جۇمىس ىستەدى. عيماراتتىڭ باسىلىپ قالعانى سونشا، بەتون توبەسى مەن ەدەننىڭ اراسى 30 سانتيمەتر بولدى، قيىن جاعدايدا جۇمىس ىستەۋگە تۋرا كەلدى»، - دەيدى ۆلاديمير سوي.
ايتۋىنشا، تاڭەرتەڭ قۇتقارۋشىلار تاعى ءبىر ءمايىتتى تاپقان. ول تابىلعان ايەلدىڭ قىزى ەدى. ساقتىق كەرەك بولدى، ول كەزدە بارلىعى 5 ءمايىت تابىلدى.
زارداپ شەككەندەردى شىعارۋ ءۇشىن ءۇش قاباتتى عيماراتتى بولشەكتەۋ قاجەت بولدى، جۇمىس ەكى كۇنگە سوزىلدى، ودان قازا بولعان 19 ادامنىڭ ءمايىتى شىعارىلدى.
«ءبىر جاعىنان ەموتسيونالدى قىسىم كوپ بولدى، ويتكەنى سىلكىنىستەر جالعاسا بەردى. كەز كەلگەن سەكۋندتا ءۇي قۇلاۋى مۇمكىن ەدى، ءبىراق ءبىز تاپسىرمانى ورىندادىق، زەرگەرلەر سياقتى جۇمىس ىستەدىك. ءار ساعاتتىق جۇمىستان كەيىن كينولوگتاردى جىبەردىك، بەس مينۋتتىق تىنىشتىق جاريالاندى»، - دەپ ەسكە الادى ۆلاديمير سوي.
قۇتقارۋشىلارعا 3 ءيىسشىل ءيت كومەكتەستى، ولار و باستان ءتىرى ادامدى ىزدەۋگە ۇيرەتىلگەن.
ولگەن ادامداردى ىزدەۋدى يتتەر سول جەردە، تۇركيادا ۇيرەندى. ولاردىڭ اراسىندا دجەيكوب بار، مالينۋا تۇقىمىنىڭ بەلگيالىق وۆچاركاسى.
«دجەيكوب قيىن جاعدايدا جۇمىس ىستەدى، ديامەترى شامامەن 50-60 سانتيمەتر بولاتىن 3 مەتر تەرەڭدىككە تىگىنەن ءوتۋ كەرەك بولدى. دىبىسقا قاراي جۇمىس ىستەۋ كەرەك ەدى. ءبىزدىڭ جولىمىز بولدى، ىزدەۋ قۇرىلعىلارىن قولدانا وتىرىپ، زارداپ شەككەندەردى ءدال تاپتىق. قۇرىلىس قوقىستارى شەلەكتەرگە سالىنىپ، مەديتسينالىق قۇرىلعىلاردان تۇتىك جاسالىپ، ونى ويىققا ءتۇسىرىپ، زارداپ شەككەندەرگە وسىلاي سۋ جىبەرىلدى» ، - دەدى ر ج ق ج باسشىسى
قازاقستاندىق قۇتقارۋشىلار بارلىعى 7 ادامدى قۇتقارىپ، قازا بولعان 88 ادامدى شىعاردى.
قازاقستان قۇتقارۋشىلارىنىڭ كاسىبي شەبەرلىگىن تۇرىك ارىپتەستەرى مەن قاراپايىم ازاماتتار جوعارى باعالادى.
«ولار اۋدارماشى تاۋىپ، «قازاقتار نەگە سونشالىقتى مىقتى، سىزدەردە جەر سىلكىنىسى ءجيى بولىپ تۇرا ما؟» دەپ سۇرادى. وعان مەن قازاقستاندا بىلىكتى قۇتارۋشىلار مەكتەبى قالىپتاسقانىن ايتتىم. راسىندا، ەلىمىزدە وتە جاقسى مەكتەپ قالىپتاسقان. ءبىز جىل سايىن پوليگوندا وقۋ- جاتتىعۋ جيىندارى مەن جارىستار وتكىزەمىز. بۇل دايىندىق تۇركيادا وتە پايدالى بولدى»، - دەپ جالعاستىردى ۆلاديمير يوي.
سونىمەن قاتار ول قۇتقارۋشىلارعا قازاقستاننىڭ تۇركياداعى ەلشىلىگى مەن ەرىكتىلەر قولداۋ كورسەتكەنىن تىلگە تيەك ەتتى.
«ولار تۇرىك قۇتقارۋشىلارىن وقىتۋعا كومەكتەسۋدى ءوتىندى. 30 قۇتقارۋشىسىن الماتىعا وقۋعا جىبەرۋگە دايىن»، - دەدى سپيكەر.
