بيلىكتى سىناپ جۇرگەن ازاماتتاردىڭ سايلاۋعا ءتۇسىپ جاتقانى ولاردىڭ رەفورماعا سەنىمىن بىلدىرەدى - ەرلان قارين

استانا. قازاقپارات - بيىلعى سايلاۋدىڭ العىشارتى وتكەن جىلدىڭ ناۋرىز ايىندا، ياعني، پرەزيدەنت ءوز جولداۋىندا ساياسي رەفورمالاردىڭ جان-جاقتى باعدارلاماسىن ۇسىنعاندا قالانعان.

قازاقستاننىڭ مەملەكەتتىك كەڭەسشىسى ەرلان قارين سايلاۋ جونىندە وسىنداي پىكىر ءبىلدىردى، دەپ حابارلايدى قازاقپارات.

ونىڭ ايتۋىنشا، ءبىر جىلعا جەتپەيتىن ۋاقىتتا پارتيالار ءۇشىن شىنايى باسەكەلەستىك ورتا قالىپتاسىپ، ازاماتتاردىڭ پارلامەنت پەن ءماسليحاتتارعا ءوزىن-ءوزى ۇسىنۋىنا جول اشىلدى.

«مۇنى قولدا بار ستاتيستيكا دا دالەلدەپ وتىر» دەيدى ەرلان قارين.

مىسالى:

- پارلامەنت سايلاۋىنا بارلىق جەتى ساياسي پارتيا قاتىسىپ جاتىر. ونىڭ ەكەۋى پارتيا تۋرالى زاڭناماعا وزگەرىستەر ەنگەننەن كەيىن تىركەلدى.

سوندىقتان پارتيالار اراسىنداعى باسەكە بۇل سايلاۋ كامپانياسىنىڭ نەگىزگى ەلەمەنتى بولماق.

- ءماجىلىس دەپۋتاتى بولۋعا پارتيالىق ءتىزىم جانە ءبىر مانداتتى وكرۋگتەر بويىنشا بارلىعى 892 ازاماتتىڭ كانديداتۋراسى ۇسىنىلدى (ورتا ەسەپپەن 1 مانداتقا 9 ۇمىتكەردەن كەلەدى)

سايلاۋعا قوعام قايراتكەرلەرى مەن ازاماتتىق بەلسەندىلەردىڭ كوپتەپ قاتىسىپ جاتقانى (ونىڭ ىشىندە، ادەتتە بيلىكتى سىناپ جۇرگەن ازاماتتار دا بار) ولاردىڭ جۇرگىزىلىپ جاتقان رەفورمالارعا سەنىمى مەن قولداۋىن بىلدىرەدى.

«ەلىمىزدە سوڭعى جىلدارى ورىن العان بارلىق وزگەرىستەردى، بارلىق جاڭاشىلدىقتار مەن رەفورمالاردى جۇرتشىلىقتىڭ قىزۋ قولداپ وتىرعانىن حالىق اراسىندا جۇرگىزىلگەن الەۋمەتتىك زەرتتەۋلەر دە كورسەتىپ وتىر. قازاقستاننىڭ ستراتەگيالىق زەرتتەۋلەر ينستيتۋتىنىڭ مالىمەتىنشە، قازاقستاندىقتاردىڭ 71,7 پايىزى ەلىمىز دۇرىس باعىتتا دامىپ كەلە جاتىر دەپ سانايدى»، - دەپ جازادى مەملەكەتتىك كەڭەسشى.