ناۋرىز ايىندا دۇنيەگە كەلگەندەر قانداي بولادى؟
ەگەر ناۋرىز ايىندا تۋعان بولساڭىز نەمەسە وسى ايدا دۇنيەگە كەلگەن تانىسىڭىز بولسا، ونىڭ مىنەزىن تومەندەگى مالىمەتپەن سالىستىرىپ كورىڭىز.
كوكتەمنىڭ العاشقى ايىندا دۇنيەگە كەلگەندەر ءجيى نازىك جانە تارتىمدى كەلەدى. ولار الەمنىڭ سۇلۋلىعىن كورەدى جانە ودان ءلاززات الا الادى. ەگەر وتباسىڭىزدا ناۋرىزدا دۇنيەگە كەلگەن بالا بار بولسا، ونىڭ وسى قابىلەتىن قولداپ، دامىتىڭىز. ونى شىعارماشىلىقپەن قاتىستى ۇيىرمەگە، مىسالى، سۋرەت سالۋعا بەرىڭىز. بالانى جوعارى ونەرمەن تانىستىرىڭىز، ونىمەن بىرگە تەاترعا، مۇراجايعا جانە گالەرەياعا بارىڭىز. ناۋرىزدا دۇنيەگە كەلگەن بالالار رۋحاني باي، سوندىقتان ولار سپورتقا نەمەسە تەحنيكاعا قاراعاندا گۋمانيتارلىق عىلىمدارعا تارتىلىپ تۇرادى.
ناۋرىزدا دۇنيەگە كەلگەندەردىڭ ءجيى مۋزىكامەن ەرەكشە بايلانىسى بار. مىسالى، سىزگە مۋزىكالىق اسپاپتى مەڭگەرۋگە بولادى. بۇل ءسىزدىڭ جالپى دامۋىڭىزعا جاعىمدى اسەر بەرەدى.
ناۋرىزدا دۇنيەگە كەلگەندەردىڭ كوپشىلىگى ءۇي جانۋارىن العىسى كەلەدى. ەگەر مۇمكىندىك بولسا، بۇل ايدا تۋعان بالاعا ءۇي جانۋارىن الىپ بەرىپ، ونى قۋانتىڭىز.
سونداي-اق ناۋرىزدا تۋعانداردىڭ ءجيى مىنەزدەرى ۇقساس كەلەدى: ولار جاسقانشاق، ۇيالشاق، سىپايى كەلەدى. بالانى كۇشتەپ باتىل بولۋعا ۇيرەتۋدىڭ قاجەتى جوق، ول ونىڭ پسيحيكاسىنا جاعىمسىز اسەر ەتۋى مۇمكىن. ونىڭ ورنىنا بالانىڭ وسى مىنەزىن قابىلداپ، ونىڭ باي ىشكى الەمىنە قۋانعان ءجون.
ناۋرىزدا دۇنيەگە كەلگەندەردىڭ قيالى جاقسى دامىعان.
بۇل ايدا دۇنيەگە كەلگەن بالالار انالارىنا ەرەكشە جاقىن كەلەدى. ءتىپتى، ولار ءجيى انالارىنا تاۋەلدى بولادى. بالا ەسەيگەن كەزدە دە قانداي دا ءبىر شەشىم قابىلداردا اناسىنىڭ قۇپتاعانىن كۇتۋى مۇمكىن. سوندىقتان ناۋرىزدا تۋعان بالانىڭ اناسى بالانى جىبەرىپ ۇيرەنۋى كەرەك. بالاڭىزدىڭ قاتەلىك جىبەرۋىنە، قاتەلىكتەردەن ساباق الۋىنا، تاجىريبە جيناۋىنا مۇمكىندىك بەرىڭىز.
massaget.kz
