زەينەتاقى جيناعىن جەكە كومپانيالاردىڭ باسقارۋىنا كىمدەر بەرە الادى
«قازىردىڭ وزىندە ب ج ز ق سالىمشىلارىنىڭ ءبىر بولىگى وزدەرىنىڭ زەينەتاقى جيناعىنىڭ ءبىر بولىگىن ۇلتتىق بانكتەن ايىرماشىلىعى بار باسقارۋشى كومپانيالارعا بەرە الادى. ءبىراق بۇل مۇمكىندىك زەينەتاقى جيناعىنىڭ جەتكىلىكتىلىك شەگى بەلگىلەنگەن ليميتتەن جوعارى سالىمشىلارعا عانا بەرىلەدى»، - دەدى ول بريفينگىدە.
سونداي-اق، ۇلتتىق بانك باسشىسىنىڭ ورىنباسارى زاڭناماعا تۇزەتۋ ەنگىزىلۋ مۇمكىن ەكەنىن ايتتى.
«قازىر مەملەكەتتىك ورگاندارمەن بىرلەسىپ زاڭناماعا تۇزەتۋلەر ەنگىزۋ ماسەلەسىن تالقىلاپ جاتىرمىز. ول تۇزەتۋ بۇكىل سالىمشىلارعا وزدەرىنىڭ زەينەتاقى جيناعىنىڭ 50 پايىزىنان اسپايتىن مولشەرىن جەكە باسقارۋشى كومپانيالارعا بەرۋىنە مۇمكىندىك تۋعىزار ەدى. بۇل جوبا قازىر قارالىپ جاتىر. بيىل وسىنداي مۇمكىندىك بولادى دەپ وتىرمىز»، - دەدى ءاليا مولدابەكوۆا.
ايتا كەتەيىك، ۇلتتىق بانكتىڭ اقشا-كرەديت ساياساتى كوميتەتى بازالىق مولشەرلەمەنى %16,75 دەڭگەيىندە قالدىرۋ تۋرالى شەشىم قابىلدادى.
