ەلوردا اۋەجايىنىڭ جوندەلۋىنە بايلانىستى ۇشۋ كەستەسىنە وزگەرىستەر ەنگىزىلەدى

استانا. قازاقپارات - ەلوردا اۋەجايىنىڭ جوسپارلى جوندەۋىنە بايلانىستى ۇشاقتاردىڭ ۇشۋ كەستەسىنە وزگەرىستەر ەنگىزىلەدى، دەپ حابارلايدى قازاقپارات ءتىلشىسى ەير- استاناعا سىلتەمە جاساپ.

بۇدان دەيىن حابارلاعانىمىزداي، استانا اۋەجايىندا 2023 -جىلعى 15- شىلدە مەن 8 -تامىز ارالىعىندا (كۇن سايىن 11.00 دەن 18.00 گە دەيىن) ۇشۋ- قونۋ جولاعىن جوندەۋ جۇمىستارى جۇرگىزىلەدى.

«Air Astana اۋەكومپانياسى ەلوردادان جانە ەلورداعا ورىندالاتىن رەيستەر كەستەسىنە قاجەتتى وزگەرىستەر ەنگىزىپ جاتىر. وسى ۋاقىت ارالىعىنا جوسپارلانعان اۋەكومپانيا رەيستەرى ەرتەرەك نەمەسە كەيىنىرەك ۋاقىتقا اۋىستىرىلادى. وزگەرىسكە ۇشىراعان رەيستتەردىڭ جولاۋشىلارىنا بيلەتتى ساتىپ الۋ ورنىندا تەگىن قايتا برونداۋ نەمەسە تولىق قايتارۋ ۇسىنىلادى»، - دەلىنگەن كومپانيا حابارلاماسىندا.