بازالىق مولشەرلەمەنى قازىرگىدەي ۇستاپ تۇرۋ ينفلياتسيانى تۇراقتاندىرادى – ۇ ب

استانا. قازاقپارات - ءبىرىنشى جارتىجىلدىقتا بازالىق مولشەرلەمەنى قازىرگى دەڭگەيدە ۇستاپ تۇرۋ قاجەت.

ۇلتتىق بانك ءتوراعاسى عالىمجان ءپىرماتوۆ وسىنداي پىكىر ءبىلدىردى، دەپ حابارلايدى قازاقپارات ءتىلشىسى.

«ەل ىشىندەگى پروينفلياتسيالىق فاكتورلار تۇرعىن-ءۇي كوممۋنالدىق شارۋاشىلىعىنىڭ رەتتەلەتىن قىزمەتتەرىنە تاريفتەر مەن جانار-جاعارماي نارىعىنداعى ۋاقىتى كەلگەن رەفورمالارعا بايلانىستى. وسى رەفورمالاردى ىسكە اسىرۋ اسەرى تاۋارلار مەن قىزمەتتەردىڭ كەڭ اۋقىمىنا باعانىڭ ءوسۋىن جەدەلدەتۋى مۇمكىن. بۇل فاكتورلار بازالىق ستسەنارييدىڭ العىشارتتارىندا كورسەتىلمەگەنىن اتاپ وتەمىن»، - دەدى ول.

ايتۋىنشا، بۇل بولجامدار ءالى دە وزگەرۋى مۇمكىن.

«ۇلتتىق بانك اعىمداعى جاعدايلاردى ەسكەرە وتىرىپ، 2023-جىلعى ءبىرىنشى جارتىجىلدىقتا بازالىق مولشەرلەمەنى اعىمداعى دەڭگەيدە ۇستاپ تۇرۋ قاجەت دەپ سانايدى. بۇل ينفلياتسيانى تۇراقتاندىرۋ جانە ونى ورتا مەرزىمدى پەرسپەكتيۆادا بىرتىندەپ تومەندەتۋ ءۇشىن قاجەت»، - دەدى ۇلتتىق بانك باسشىسى.

ايتا كەتەيىك، ۇلتتىق بانكتىڭ اقشا-كرەديت ساياساتى كوميتەتى بازالىق مولشەرلەمەنى %16,75 دەڭگەيىندە قالدىرۋ تۋرالى شەشىم قابىلدادى.