ۇلتتىق بانك ەكونوميكالىق ءوسىمدى بولجادى

استانا. قازاقپارات - ۇلتتىق بانك ەل ەكونوميكاسىنىڭ ءوسۋ بولجامدارىن جاقسارتتى، دەپ حابارلايدى قازاقپارات ءتىلشىسى.

«قازاقستان ەكونوميكاسىنىڭ ءوسۋىنىڭ بولجامدارى دا جاقساردى. الداعى ءۇش جىلدا جالپى ىشكى ءونىمنىڭ 3,5-4,5 پايىز دەڭگەيىندە ءوسۋى كۇتىلۋدە. بولجامدار مۇنايدى ءوندىرۋ مەن ەكسپورتتاۋ بويىنشا كۇتۋلەردىڭ جوعارلاۋىنا بايلانىستى قايتا قارالدى. وعان ساۋدا ارىپتەس ەلدەر ەكونوميكالارىنىڭ بىرتىندەپ قالپىنا كەلە باستاۋى سەبەپ. ىشكى سۇرانىستىڭ تۇراقتى ءوسۋى مەملەكەتتىك ىنتالاندىرۋ شىعىستارىمەن جانە مۇنايدىڭ قولايلى باعاسىمەن قامتاماسىز ەتىلەدى. سونىمەن قاتار فيسكالدىق ىنتالاندىرۋ اياسىندا يمپورتتىڭ وڭ ديناميكاسى مەن تەجەۋشى ناقتى مولشەرلەمە ىشكى سۇرانىستىڭ ءوسۋىن ءىشىنارا ۇستايتىن بولادى»، - دەى ۇلتتىق بانك ءتوراعاسى عالىمجان ءپىرماتوۆ.

ونىڭ سوزىنە قاراعاندا، جالپى ىشكى ءونىم بولجامىنىڭ تاۋەكەلدەرى ەكسپورت جەتكىزۋ جولدارىنداعى كولىك-لوگيستيكالىق پروبلەمالارىنان، مۇناي ءوندىرۋ جوسپارىنىڭ اۋىتقۋىنان تۋىنداۋى مۇمكىن.

«تولەم بالانسىنىڭ اعىمداعى شوتى شيكىزات باعاسىنىڭ بولجامدى قىسقارۋىنا جانە يمپورتتىڭ تۇراقتى وسۋىنە قاراي وتكەن جىلدىڭ پروفيتسيتتىك ايماعىنان 2025-جىلدىڭ سوڭىنا قاراي بىرتىندەپ دەفيتسيت ايماعىنا اۋىساتىن بولادى»، - دەدى ول.

ايتا كەتەيىك، ۇلتتىق بانكتىڭ اقشا- كرەديت ساياساتى كوميتەتى بازالىق مولشەرلەمەنى 16,75 پايىز دەڭگەيىندە قالدىرۋ تۋرالى شەشىم قابىلدادى.