الماتىدا قۇرىلىستىڭ سەيسميكالىق تۇراقتىلىعىنا قويىلاتىن تالاپتار كۇشەيەدى - ەربولات دوسايەۆ

الماتى اكىمىمەن كەزدەسۋگە كەلگەن جەتىسۋ اۋدانى تۇرعىندارىنىڭ ءبىرى بارلىق كوپقاباتتى عيماراتتاردى الماتىدان Gate City-گە كوشىرۋدى ۇسىندى. بۇل سەيسميكالىق قاۋىپتىلىككە جانە ينفراقۇرىلىمعا تۇسەتىن جۇكتەمەگە قاتىستى.

اكىم ەربولات دوسايەۆ قالادا عيماراتتارىڭ بيىكتىگىنە شەكتەۋ قويىلعانىن ايتتى.

«وزدەرىڭىز بىلەسىزدەر، الماتىدا جوعارى سەيسميكالىقتى ەسكەرە وتىرىپ، بۇكىل پوستكەڭەستىك كەڭىستىكتە ارنايى ستاندارتتار شىعاراتىن جانە بىزدە قۇرىلىس ءۇشىن ارنايى تەحنيكالىق شارتتار بەرەتىن بىرەگەي، جالعىز ينستيتۋت – قازق س ع ز ي بار. ءبىز قازىردىڭ وزىندە ەڭ سەيسميكالىق بەلسەندى ايماقتاعى قالانىڭ جوعارعى بولىگىندە عيماراتتىڭ قاباتتىلىعىن شەكتەدىك، ولار 9 قاباتتان اسپايتىن بولادى. بۇل ماسەلەلەردىڭ بارلىعى وزدەرىڭىزبەن بىرگە تالقىلاعان باس جوسپار جوباسىندا دا ەسكەرىلگەن جوبا بەكىتىلگەن كەزدە ماسەلەنىڭ ءبارى انىقتالادى»، - دەدى قالا باسشىسى.

سونىمەن قاتار ول كەشە مەملەكەت باسشىسى «الماتى قالاسىنىڭ ەرەكشە مارتەبەسى تۋرالى» زاڭ ارقىلى قۇرىلىس پەن جەر سىلكىنىسىنە توزىمدىلىككە بايلانىستى تالاپتاردى كۇشەيتەتىن ءتاسىلدى ماقۇلداعانىن جەتكىزدى.

«كوكتەمگى ءماسليحات سەسسيادا بۇل جۇمىستى باستايمىز دەپ ۇمىتتەنەمىن، ءماسليحات دەپۋتاتتارى ءبىزدى قولدايدى جانە بىزدە قالانىڭ ءوزى ستاندارتتارعا قاتىستى ەرەكشە جايتتاردى باقىلايتىن بولادى. ءتيىستى نورمالار ەنگىزىلەدى جانە كۇزدەن باستاپ قولدانىلادى دەپ ۇمىتتەنەمىن. G4 داميدى جانە قالا وعان كومەكتەسەدى. مەن، شىن مانىندە، اقىلعا قونىمدى قۇرىلىستى قالايمىن، الايدا قالا ءوسىپ كەلەدى، ميگراتسيا بارعان سايىن ارتۋدا»، - دەيدى ەربولات دوسايەۆ.

اۆتور

الما مۇقانوۆا