مينيسترلىك تىكۇشاق اپاتىنا قاتىستى العاشقى مالىمەتتىڭ نەگە جالعان بولعانىن ءتۇسىندىردى

استانا. قازاقپارات - توتەنشە جاعدايلار مينيسترلىگىنىڭ رەسمي وكىلى رۋسلان يمانقۇلوۆ ۆەدومستۆودا وتكەن بريفينگىدە باتىس قازاقستانداعى تىكۇشاق اپاتىنان زارداپ شەككەندەر تۋرالى العاشقى مالىمەتتىڭ نەگە جالعان بولعانىن ءتۇسىندىردى، دەپ حابارلايدى قازاقپارات ءتىلشىسى.

بريفينگ بارىسىندا ب ا ق وكىلدەرى اۋەلى تىكۇشاق اپاتىنان زارداپ شەككەندەر جوق ەكەنى تۋرالى مالىمەت قالاي تاراپ كەتكەنىن سۇرادى.

«ول اقپارات وتىرىك بولعان جوق. الدىن الا اقپارات دەگەن بار. اۋەلى ديسپەتچەرلەر ءبىزدىڭ ءتىرى قالعان قىزمەتكەرمەن بايلانىسا الماعان بولىپ شىقتى. وقيعا ورنىندا بايلانىس وتە ناشار بولعان. ينتەرنەت بايلانىس جالپى بولماعان. تەلەفون بايلانىسى دا ناشار بولعان. سوندىقتان ولار قوڭىراۋ شالىپ، بايلانىسا العان كەزدە ءبىزدىڭ ت ج م- ءنىڭ اپاتتان ءتىرى قالعان قىزمەتكەرى «ءتىرىمىن» دەدى مە، الدە «ءتىرىمىز» دەدى مە، انىق ەستىلمەي قالعان. سول ساتتە بايلانىس قايتا ۇزىلگەن. سوندىقتان الدىن الا اقپارات بويىنشا ءبارى امان دەگەن مالىمەت تارادى»، - دەدى ۆەدومستۆونىڭ رەسمي وكىلى.

سونداي- اق ول قۇلاعان تىكۇشاقتىڭ نەگە «اپاتتى قوندى» دەپ حابارلانعانىن ءتۇسىندىردى.

«الدىن الا اقپارات بويىنشا، بۇل اپاتتى قونۋعا ءماجبۇر بولعان. ياعني، جوسپارلى قونۋ ەمەس ەدى. ءىس جۇزىندە بورتتى باسقارۋ مۇمكىن بولماي كەتكەن. قازىر بىزگە ءمالىم دۇنيە وسى عانا. قالعانى ەگجەي- تەگجەيى تەكسەرۋ كەزىندە بەلگىلى بولادى»، - دەدى رۋسلان يمانقۇلوۆ.

ەسكە سالساق، كەشە باتىس قازاقستان وبلىسىندا «قازاۆياقۇتقارۋ» ا ق- عا تيەسىلى تىكۇشاقتىڭ «اپاتتى جاعدايدا قونىپ»، 4 ادامنىڭ مەرت بولعانى حابارلانعان بولاتىن.

بۇگىن تاڭەرتەڭ ت ج م باتىس قازاقستانداعى وقىس وقيعادان قازا تاپقانداردىڭ اتى- ءجونىن جاريالادى.

اۆتور

ەسىمجان ناقتىباي