اراق ىشكەن ادام ءوز-ءوزىن جوعارى باعالايدى
The Australian باسىلىمىنىڭ حابارلاۋىنشا، پەر مەندەس-فرانس ۋنيۆەرسيتەتىنىڭ لوران بەگە ەسىمدى عالىمى باستاعان زەرتتەۋ توبى الدىمەن 19 ادامدى قاتىستىرىپ سىناق جۇرگىزدى. ەرىكتىلەردىڭ ۇشتەن ەكىسى - ەر ادامدار. تاجىريبە بارىسىندا ولار الكوگولدى سۋسىنداردى بوكالداپ ىشكەن سايىن وزدەرىنىڭ كورىكتىلىگىن 1 دەن 7 گە دەيىنگى شكالا بويىنشا باعالاۋى ءتيىس بولدى. بۇل سىناقتىڭ ناتيجەسىندە ماماندار نەبىر ۇسقىنسىز ەركەكتەردىڭ سپيرتتى ىشىمدىككە تويىپ العان كەزدە وزدەرىن سىمباتتى سانايتىنىن انىقتادى.
كەيىن 94 ادامنىڭ قاتىسۋىمەن كەلەسى سىناق جۇرگىزىلدى. ەرىكتىلەر كوكتەيلدىڭ ءدامىن تاتىپ كورۋى كەرەك بولدى. ولاردىڭ ءبىر توبىنا الكوگولسىز، ءبىر توبىنا الكوگولدى سۋسىندار بەرىلدى. بۇل سىندا دا سپيرتتى ىشىمدىك ىشكەن ادامدار وزدەرىن اقىلدى، ادەمى ءارى تارتىمدى سانايتىنىن ايتقان.
