قانشا قازاقستاندىق جەڭىلدەتىلگەن اۆتونەسيە باعدارلاماسى بويىنشا كولىك الىپ ۇلگەردى؟
ۆەدومستۆو مالىمەتىنشە، 6-اقپاندا autonesie.kz پورتالىندا 7,61 ميلليارد تەڭگە مولشەرىندەگى رەۆولۆەرلىك قاراجاتقا جەڭىلدەتىلگەن اۆتوكرەديت الا الاتىن باعدارلاماعا قاتىسۋشىلار پۋلىنىڭ العاشقى ورىندارى بولىنگەن.
2023 -جىلعى 22-اقپانداعى جاعداي بويىنشا باعدارلاماعا قاتىسۋشى بانكتەر پۋلعا قاتىسۋشىلاردىڭ 5,171 ميلليارد تەڭگە سوماعا 569 ءوتىنىمىن ماقۇلدادى (ولاردىڭ جالپى سانى 761 ادام).
ونىڭ ىشىندە 195 قاتىسۋشىعا 1,696 ميلليارد تەڭگە سوماعا اۆتوموبيلدەر بەرىلدى. قارىزدىڭ ورتاشا مولشەرى - 8,7 ميلليون تەڭگە.
ەسكە سااليىق، ءوتىنىمنىڭ قولدانىس مەرزىمى - 60 كۇن. وسى مەرزىمدە پۋل قاتىسۋشىلارى جەڭىلدەتىلگەن اۆتونەسيەنى راسىمدەۋگە ءتيىس. مەرزىم اياقتالعاننان كەيىن پايدالانىلماعان قاراجات باعدارلاماعا الەۋەتتى قاتىسۋشىلاردىڭ سانىن ۇلعايتۋ ءۇشىن كەلەسى پۋلدى قالىپتاستىرۋعا باعىتتالادى.
