ورال تۇرعىنى قىتايدان ارزان ىدىس الامىن دەپ وڭباي الدانعان
داناگۇل بەكەسوۆانىڭ ايتۋىنشا، ماڭعىستاۋلىق ايەل Whatsapp مەسسەندجەرىنەن توپ قۇرىپ، ىدىس-اياق ساتاتىنىن جەتكىزگەن. وقيعا 2021 -جىلى بولعان. داناگۇل سول تاۋارلاردى ءوزىنىڭ تانىستارىنا ۇسىنىپ، جۇرتتان جينالعان 62 ميلليون تەڭگەنى ماڭعىستاۋلىق ايەلدىڭ ەسەپ شوتىنا اۋدارىپتى. الايدا سودان بەرى تاۋار دا جوق، اقشا دا قايتارىلماعان.
«ارزان تاۋارلار بار» دەدى، سونى ساتۋ ءۇشىن تانىستارىمنان تاپسىرىس الدىم. 100 مىڭ تەڭگەنىڭ تاۋارىن 5 مىڭ تەڭگەگە ۇسىندى. سونداي زاتتارعا 500 داناعا دەيىن تاپسىرىس بەردىك. 62 ميلليون تەڭگە تولەدىم. الايدا الداپ كەتتى. جۇرت تىنىم بەرمەگەن سوڭ ءوزىم قىتايدان ىدىس-اياق اكەلىپ، تانىستارىمنىڭ تاپسىرىستارىن بەرىپ جاتىرمىن دەيدى»، - داناگۇل بەكەسوۆا.
شاعىمدانۋشى ماڭعىستاۋ وبلىستىق پوليتسيا دەپارتامەنتىنە ارىز جازعان. ونىڭ ايتۋىنشا، ءوزى سەكىلدى الدانعان تاعى بىرنەشە ادام بار. ولار دا جاقىن كۇندەرى اقتاۋعا بارىپ، قۇقىق قورعاۋ ورعاندارىنا شاعىمدانباق ەكەن.
