قوس ازاماتتىقپەن قازاقستاندا تۇرىپ كەلگەن ەر ادام ەلدەن قۋىلدى
س ق و پوليتسيا دەپارتامەنتى باسپا ءسوز قىزمەتىنىڭ مالىمەتىنشە، تايىنشا اۋدانىندا قوس ازاماتتىعى بار رەسەيدىڭ تۇرعىنى انىقتالعان.
سوت شەشىمىمەن قازاقستاننىڭ زاڭىن بۇزعان ەر ادام ەل اۋماعىنان شىعارىلدى.
زاڭ بۇزۋشىلىق وڭىردە ءجۇرىپ جاتقان «ميگرانت» جەدەل-الدىن الۋ ءىس-شاراسى اياسىندا انىقتالعان.
جالپى كوشى-قون قىزمەتىنىڭ قىزمەتكەرلەرى 3 كۇن ىشىندە س ق و- دا باسقا مەملەكەتتەردىڭ ازاماتتارى تاراپىنان زاڭ بۇزۋدىڭ 45 دەرەگىن انىقتادى.
ەكى جاعداي قازاقستاننىڭ ۆيزالىق رەجيمى بەلگىلەنگەن گەرمانيا جانە تۇرىكمەنستان مەملەكەتتەرىنىڭ تۇرعىندارىنا قاتىستى.
ولار ەلدە بولۋعا رۇقسات ەتىلگەن مەرزىمدى اسىرىپ جىبەرگەن.
سونىمەن قاتار 38 سولتۇستىك قازاقستاندىق 3 كۇن ىشىندە كوشى-قون قىزمەتىنە شەتەلدىكتەردى قابىلداعانى تۋرالى حابارلاماعانى ءۇشىن جاۋاپكەرشىلىككە تارتىلدى.
«ميگرانت» جەدەل-الدىن الۋ ءىس-شاراسىنىڭ ماقساتى كوشى-قون زاڭناماسىنىڭ بۇزىلۋىنا جول بەرمەۋ. پوليتسەيلەر بازارلارعا، قۇرىلىس نىساندارىنا، فەرمالارعا جانە باسقا ەلدەردىڭ ازاماتتارى بولۋى جانە جۇمىسقا ورنالاسۋى مۇمكىن ورىنداردى تەكسەرۋ جۇرگىزىپ جاتىر. شەتەلدىك جۇمىس كۇشىن زاڭسىز تارتۋدىڭ 5 فاكتىسى انىقتالدى. سونداي-اق ءىس-شارانى وتكىزۋ كەزەڭىندە ق ر- دان سوت شەشىمى بويىنشا ەكى شەتەلدىك شىعارىلدى»، - دەيدى س ق و پ د كوشى-قون قىزمەتى باسقارماسىنىڭ باستىعى تالعات ءابىلوۆ.
