ا ق ش- تا كۇدىكتى قىلمىس ورنىنا ورالىپ، جۋرناليستەرگە وق جاۋدىردى
وقيعا فلوريدا شتاتىنىڭ ورلاندو قالاسىندا بولعان. جەرگىلىكتى Spectrum News 13 تەلەارناسىنىڭ ەكى جۋرناليسى ءوز كولىگىندە ولتىرىلگەن 20 جاستاعى ايەل تۋرالى رەپورتاج جاساپ جاتقان كەزدە كۇدىكتى وقيعا ورنىنا قايتا ورالعان. ول تىلشىلەرگە وقۋ جاۋدىرىپ، ءبىرىن مەرت قىلعان.
قارۋلانعان كۇدىكتى - 19 جاستاعى بوزبالا.
وريندج وكرۋگىنىڭ شەريفى دجون مينا باسپا ءسوز كونفەرەنسياسىندا ءمالىم ەتكەندەي، جۋرناليستەرگە شابۋىل جاساعاننان كەيىن كۇدىكتى - كيت موزەس كورشى ۇيگە كىرىپ قىزى مەن اناسىنا وق اتقان. قىزدىڭ اناسى - اۋرۋحانادا، جاعدايى - اۋىر. ەكىنشى تەلەجۋرناليست تە جارالى.
شەريفتىڭ ايتۋىنشا، كۇدىكتى بۇعان دەيىن دە بىرنەشە قىلمىس جاساعان. اتاپ ايتقاندا، بۇرىن اتىس قارۋىن پايدالانعانى، وتە اۋىر حالگە جەتكىزىپ ۇرىپ-سوققانى، قارۋمەن شابۋىل جاساعانى، باسا كوكتەپ كىرىپ ۇرلىق جاساعانى، ءىرى كولەمدە ۇرلىق قىلعانى ءۇشىن ايىپتالعان بولاتىن.
پوليتسيا دەرەگىنشە، شابۋىل جاساعان ادام العاشقى قۇربانى - 20 جاستاعى قىزبەن تانىس بولعان. الايدا رەپورتەرلەرگە دە، توعىز جاسار قىز بەن ونىڭ اناسىنا دا قاتىسى بولماعان. ازىرگە ونىڭ كورشى ۇيگە نەلىكتەن كىرگەنى بەلگىسىز.
