اتىراۋ وبلىسىندا قۇسبەگىلىكتەن قازاقستان چەمپيوناتى وتەدى

اتىراۋ. قازاقپارات - اتىراۋ وبلىسىندا قۇسبەگىلىكتەن ەرەسەكتەر اراسىندا قازاقستان چەمپيوناتى وتەدى، دەپ حابارلايدى قازاقپارات.

24-26-اقپان ارالىعىندا اتىراۋ قالاسىندا ەلىمىزدىڭ ءداستۇرلى، ءتول سپورتى قۇسبەگىلىكتەن ەرەسەكتەر اراسىندا XVI قازاقستان رەسپۋبليكاسىنىڭ چەمپيوناتى وتەدى. جارىسقا ەلىمىزدىڭ 14 وڭىرىنەن 100 گە جۋىق سپورتشى قاتىسادى»، - دەلىنگەن رەسپۋبليكالىق قۇسبەگىلىك فەدەراتسياسىنىڭ مالىمەتىندە.

چەمپيونات رەگلامەنتى بويىنشا باسەكە 3 ءتۇرلى سپورتتىق قۇس - بۇركىت، قارشىعا جانە يتەلگى اراسىندا وتەدى.

وتەتىن ورنى: اتىراۋ وبلىسىنىڭ جاڭاتالاپ اۋىلى.

ەسكە سالايىق، اقپان ايىنىڭ العاشقى جارتىسىندا تالدىقورعان قالاسىندا جاستار اراسىندا قۇسبەگىلىكتەن ق ر XIV چەمپيوناتى ءوتتى. تۋرنيرگە وڭىرلەردەگى جاسوسپىرىمدەر مەن بالالار سپورت مەكتەپتەرىنىڭ وقۋشىلارى 70 تەن استام قۇسبەگىمەن قاتىستى. ناتيجەسىندە بۇركىتشىلەر سايىسىندا اتىراۋ وبلىسىنان قاتىسقان يمانعالي ابدۋلكارىم ۇلى جەڭىمپاز اتاندى. قارشىعانى قولعا شاقىرۋدان باس جۇلدەنى الماتى وبلىسىنىڭ وكىلى سەيىتجان بەكسۇلتان يەلەندى. ال يتەلگى سالۋدان تۇركىستان وبلىسىنان كەلگەن ءمۇسالىم سالمانعا تەڭ كەلەر قۇسبەگى بولعان جوق.