تاكسي قىزمەتىنە قاتىستى زاڭناماعا قانداي وزگەرتۋلەر ەنگىزۋ جوسپارلانىپ وتىر
بۇل تۋرالى قازاقپارات ۆەدومستۆونىڭ باسپا ءسوز قىزمەتىنە سىلتەمە جاساپ حابارلايدى.
«قازىر پلاتفورمالىق جۇمىسپەن قامتۋدى دامىتۋ ءۇشىن كەدەرگىلەر مەن شەكتەۋلەر جاساماي، ينتەرنەت پلاتفورمالاردا جۇمىس ىستەيتىن ادامداردى قولدانىستاعى الەۋمەتتىك قامسىزداندىرۋ جۇيەسىنە رەسىمدەۋ جانە تارتۋ بويىنشا جۇمىس جۇرگىزىلىپ جاتىر. جاقىن ارادا زاڭناماعا ينتەرنەت پلاتفورما وپەراتورى، تاپسىرىس بەرۋشى مەن ورىنداۋشى اراسىنداعى ءوزارا قارىم- قاتىناستى ناقتى رەتتەيتىن تۇزەتۋلەر قابىلدانادى دەپ كۇتىلىپ وتىر»، - دەدى ەڭبەك جانە حالىقتى الەۋمەتتىك قورعاۋ ءبىرىنشى ۆيتسە- ءمينيسترى اقمادي سارباسوۆ.
سونىمەن قاتار، ۆيتسە- مينيستر «اۆتوموبيل كولىگى تۋرالى» زاڭعا وزگەرىستەر ەنگىزۋ مۇمكىندىگىن قاراستىرۋ، اتاپ ايتقاندا قىزمەتىن ينتەرنەت پلاتفورمالاردى پايدالانا وتىرىپ جۇزەگە اسىراتىن جەكە تۇلعالاردى تاكسي تاسىمالداۋشىسى دەپ تانۋ قاجەتتىگىن اتاپ ءوتتى.
«بۇل جەكە تۇلعالارعا جولاۋشىلاردى تاسىمالداۋ قىزمەتتەرىن كورسەتۋ ءۇشىن ينتەرنەت پلاتفورمامەن تىكەلەي كەلىسۋ قۇقىعىن الۋعا مۇمكىندىك بەرەدى. قولدانىستاعى زاڭنامادا تاكسي قىزمەتتەرىن رەسمي تۇردە جۇزەگە اسىرۋ ءۇشىن جەكە تۇلعا تاكسي پاركى اتىنان دك نەمەسە زاڭدى تۇلعامەن شارت جاساسۋى قاجەت»، - دەدى ول.
كەڭەس بارىسىندا پلاتفورمالىق جۇمىسپەن قامتۋ سالاسىندا ازىرلەنگەن نورماتيۆتىك- قۇقىقتىق بازانى جانە مەملەكەتتىك ورگانداردىڭ دەرەكتەر بازاسى مەن اقپاراتتىق جۇيەلەرىن، قازاقستاندىقتار جۇمىس ىستەيتىن تانىمال ينتەرنەت پلاتفورمالاردى ينتەگراتسيالاۋ بويىنشا ىقتيمال تسيفرلىق شەشىمدەر تالقىلاندى.
ايتا كەتسەك، كەڭەسكە سيفرلىق دامۋ، يننوۆاتسيالار جانە اەروعارىش ونەركاسىبى، ۇلتتىق ەكونوميكا، يندۋستريا جانە ينفراقۇرىلىمدىق دامۋ، دەنساۋلىق ساقتاۋ، ىشكى ىستەر مينيسترلىكتەرىنىڭ، قارجى مينيسترلىگى مەملەكەتتىك كىرىستەر كوميتەتىنىڭ، سونداي- اق «اتامەكەن» ۇ ك پ جانە قازاقستان تاكسي قىزمەتتەرىنىڭ رەسپۋبليكالىق قاۋىمداستىعىنىڭ وكىلدەرى قاتىستى.
