15:23, 23 - اقپان 2023 | GMT +5
قازاقستاندا جەكە اسكەري كومپانيالار قۇرىلمايدى - سۇلتان قامالەتدينوۆ
استانا. قازاقپارات - قازاقستاندا جەكە اسكەري كومپانيالار قۇرىلمايدى. بۇل تۋرالى قورعانىس ءمينيسترىنىڭ ورىنباسارى سۇلتان قامالەتدينوۆ ءمالىم ەتتى، دەپ حابارلايدى قازاقپارات ءتىلشىسى.
«قازاقستاندا جەكە اسكەري كومپانيالاردى قۇرۋدىڭ نورماتيۆتىك- قۇقىقتىق بازاسى ەسكەرىلمەگەن. مەنىڭ ويىمشا، ەلىمىزگە مۇنداي كومپانيالار كەرەك ەمەس. اتاپ ايتقاندا، مەملەكەت قاۋىپسىزدىك باعىتىندا قارۋلى كۇشتەردى، باسقا دا اسكەرلەردى، اسكەري جاساقتاردى قامتاماسىز ەتەدى. سونىمەن قاتار، كونستيتۋتسيادا قاۋىپسىزدىكتى قامتاماسىز ەتەتىن باسقا قۇرىلىمدار قامتىلماعان»، - دەدى سۇلتان قامالەتدينوۆ سەناتتا تىلشىلەردىڭ سۇراعىنا جاۋاپ بەرە وتىرىپ.
بۇدان بۇرىن حابارلانعانداي، سۇلتان قامالەتدينوۆ قارۋ- جاراق پەن اسكەري تەحنيكانى مەملەكەتتىك ساتىپ الۋ بويىنشا ءتيىستى جوسپار بار ەكەنىن ايتتى.
سونىمەن قاتار بيىل اسكەري سالاداعى وقىتۋشىلار مەن دارىگەرلەردىڭ جالاقىسى وسەدى.
فوتو: akorda.kz
