جەكە كۋالىكتى ءجيى جوعالتاتىندار ءۇشىن مەملەكەتتىك باج سوماسى وسەدى

استانا. قازاقپارات - ەلىمىزدە كامەلەتكە تولماعان بالالارعا بەرىلەتىن پاسپورتقا قاتىستى مەملەكەتتىك باج سوماسى تومەندەتىلەدى.

بۇل تۋرالى سەناتتىڭ جالپى وتىرىسىندا دەپۋتات سەرگەي كارپليۋك ايتتى، دەپ حابارلايدى قازاقپارات ءتىلشىسى.

اتاپ ايتقاندا، بۇگىن سەناتتا «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» كودەكسكە جانە «سالىق پەن بيۋدجەتكە تولەنەتىن باسقا دا مىندەتتى تولەمدەر تۋرالى» كودەكسىن قولدانىسقا ەنگىزۋ تۋرالى» زاڭعا وزگەرىستەر ەنگىزۋ تۋرالى» زاڭ جوباسى ءبىرىنشى وقىلىمدا قارالىپ جاتىر.

«حالىقتىڭ كوشى-قونى بولىگىندە ءتيىستى نورمالار قامتىلىپ وتىر. وسى ورايدا كامەلەتكە تولماعان بالالارعا بەرىلەتىن پاسپورتتار ءۇشىن مەملەكەتتىك باجدى 8 ا ە ك- تەن 4 ا ە ك- كە دەيىن تومەندەتۋ ەسكەرىلگەن. سونىمەن قاتار بەرىلگەن پاسپورت پاراقتارىنىڭ سانىنا قاراي مەملەكەتتىك باجدىڭ سارالانعان مولشەرلەمەسى (16 جاسقا دەيىنگى بالالارعا بەرىلەتىن 22 بەتتەن تۇراتىن پاسپورت - 4 ا ە ك نەمەسە 13800 تەڭگە، 36 بەت - 8 ا ە ك، 48 بەت - 12 ا ە ك) ەنگىزىلمەك»، - دەدى س. كارپليۋك.

ونىڭ ايتۋىنشا، جوعالعان قۇجاتتى العاشقى جوعالتقان ساتتەن باستاپ كۇنتىزبەلىك ءبىر جىل ىشىندە 2 جانە ودان دا كوپ رەت قالپىنا كەلتىرۋ ءۇشىن جۇگىنگەن كەزدە، جەكە كۋالىك قايتا بەرىلگەندە مەملەكەتتىك باج مولشەرى ۇلعايتىلماق.

اۆتور

رۋسلان عابباسوۆ