الماتىدا جويقىن جەر سىلكىنىسى بولسا قانداي شارالار قابىلدانباق
ولار ۋاقىتشا ورنالاستىرۋدى جيناۋعا، تىركەۋگە، زارداپ شەككەن حالىقتى قاجەتتى زاتتارمەن (سۋ، تاماق، ازىق- تۇلىك) قامتاماسىز ەتۋگە، كولىككە وتىرعىزۋعا جانە قاۋىپسىز اۋداندارعا ەۆاكۋاتسيالاۋعا ارنالعان.
زارداپ شەككەن حالىقتى قابىلداۋ پۋنكتتەرى تۋرالى تولىق اقپارات 2 گ ي س كارتاسىندا، الماتى ت ج د مەن اكىمدىكتىڭ رەسمي سايتتارىندا ورنالاستىرىلعان. ول ءۇشىن ىزدەۋ جۇيەسىنە «زارداپ شەككەن حالىقتى قابىلداۋ پۋنكتتەرى» قوسىمشاسىنداعى ىزدەۋ جۇيەسىنە ەنگىزۋ قاجەت.
دەپۋتاتتارعا تابيعي ت ج كەزىندە قابىلداۋ پۋنكتتەرىن موبيلدى قوسىمشالاردا ورنالاستىرۋ يدەياسى ۇنادى، سونداي- اق ولار تۋرالى ب ا ق- تا كەڭىنەن حابارلاۋدى ۇسىندى.
دەپارتامەنت QR كودى بار اقپاراتتىق تاقتايشالاردى ازىرلەدى، سمارتفوندى سكانەرلەۋ كەزىندە جاقىن ماڭداعى زارداپ شەككەن حالىقتى قابىلداۋ پۋنكتتەرىنە ەۆاكۋاتسيا جولدارىنىڭ باعىتتارىن انىقتاۋعا بولادى. 2023 -جىلدىڭ ءبىرىنشى جارتىجىلدىعىندا مەگاپوليستىڭ بارلىق تۇرعىن ۇيلەرىنىڭ (2 جانە ودان دا كوپ قاباتتاردىڭ) قاسبەتتەرىنە (10 مىڭعا جۋىق ءۇي) تاقتايشالاردى ورنالاستىرۋ جوسپارلانۋدا.
قالا ۇيىمدارىندا 3,5 مىڭنان استام سەيسميكالىق جاتتىعۋ وتكىزىلدى، جالپى قالالىق سەيسميكالىق جاتتىعۋلارعا 600 دەن استام نىسان جانە الماتىنىڭ 760 مىڭ تۇرعىنى قاتىستى. سونىمەن قاتار، قالانىڭ جارتى ميلليوننان استام حالقى كاسكادتى ادىسپەن وقىتىلدى. ولاردىڭ ماقساتى- قالا تۇرعىندارىن توتەنشە جاعدايلاردا قورعاۋ تاسىلدەرىنە ۇيرەتۋ.
الماتى قالاسى ت ج دەپارتامەنتى باستىعىنىڭ مىندەتىن اتقارۋشى الان الىبەكوۆ الماتىدا ت ج قاۋپى تۋرالى حالىقتى حاباردار ەتەتىن 843 سيرەنا جانە سيرەنو- سويلەۋ قوندىرعىلارى (قامتۋ ايماعى - %100) جۇمىس ىستەيتىنى تۋرالى ايتتى. سونىمەن قاتار حابارلاندىرۋعا 671 تەلەارنا مەن 24 «مەديا سەرۆەر» راديوارناسى تارتىلادى.
الان الىبەكوۆ حالىقتى ت ج كەزىندەگى ءىس- قيمىلدارعا دايىنداۋ جۇيەلى نەگىزدە كەشەندى تۇردە جۇرگىزىلىپ جاتقانىن اتاپ ءوتتى. جويقىن جەر سىلكىنىسى بولعان جاعدايدا ونىڭ سالدارىن جويۋعا دايىن 13371 ادامنان تۇراتىن كۇشتەر مەن قۇرالداردىڭ ارنايى توبى، سونداي- اق ءارتۇرلى ماقساتتاعى 4060 بىرلىك تەحنيكا كوزدەلگەن. الماتىدا اۋقىمدى جەر سىلكىنىسىن جويۋعا قوسىمشا ەلىمىزدىڭ 16 ءوڭىرىنىڭ جانە 5 ورتالىق مەملەكەتتىك ورگاننىڭ كۇشتەرى مەن قۇرالدارى ءۇش ەشەلونمەن كەلەتىن بولادى.
ەسكە سالساق، بۇگىن تاجىكستاندا بولعان 7 بالدىق جەر سىلكىنىسى الماتى مەن شىمكەنتتە سەزىلدى.
فوتو: ق ر ت ج م باسپا ءسوز قىزمەتى
