وسكەمەندە تۇرمەدەن قاشىپ كەتكەن ادام بىرنەشە ساعاتتىڭ ىشىندە ۇستالدى

وسكەمەن. قازاقپارات - وسكەمەن قالاسىندا تۇرمەدەن قاشىپ كەتكەن ادام بىرنەشە ساعاتتىڭ ىشىندە ۇستالدى، دەپ حابارلايدى قازاقپارات ءتىلشىسى.

22- اقپاندا شىعىس قازاقستان وبلىسى بويىنشا ق ا ج دەپارتامەنتىنىڭ №16 تۇزەتۋ مەكەمەسىندە جازاسىن وتەپ جاتقان ەر ادام قاشىپ كەتكەن. بەلگىلى بولعانداي، ول وسىدان ەكى جىل بۇرىن توناۋ جاساعانى ءۇشىن ق ر قىلمىستىق كودەكسىنىڭ 192-بابى 2-بولىگىنە سايكەس باس بوستاندىعىنان ايىرىلعان.

ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، ءتارتىپ ساقشىلارى اقپارات تۇسە سالاسىمەن بىردەن جەدەل- ىزدەستىرۋ شارالارىنا كىرىستى. سوتتالعان ادام سول كۇنى قولعا ءتۇستى.

«پوليتسەيلەر ەر ادامدى بىرنەشە ساعاتتىڭ ىشىندە وسكەمەندەگى كوشەلەردىڭ بىرىندە ۇستادى. قازىرگى ۋاقىتتا ق ر ق ك- ءنىڭ 426-بابىنا (قاماۋ ورىندارىنان قاشۋ) سايكەس سوتقا دەيىنگى تەرگەۋ امالدارى جۇرگىزىلىپ جاتىر»، - دەلىنگەن اقپاراتتا.

اۆتور

تالعاتجان مۇحامەتبەك ۇلى